希Blog

Link to NEW Blog

2009-06-29T23:45:00.002+08:00

從這裡去新的博
http://haywada.mysinablog.com/

為什麼要開一個新的博呢?
其實自己都還是不太明白.
可能是因為太悶吧...

還會繼續update這個博嗎?
還不知道呢...

又死一個

2009-06-27T23:33:00.004+08:00

抱歉! 我不是在說MJ.
我是說這個替琴行拍廣告照片的女子.

這廣告燈廂出現在很多地鐵站(應該每個都有吧?)
由於廣告中的商品是日本品牌, 所以就讓照片中的女子穿上浴衣了.

很多人也知道, 日本的着物（和服、浴衣など）都有指定的穿著方法. 不可以亂來.
其中一條規則, 就是要"右前(みぎまえ)".
這個右前其實並不是指"右襟在前"而是指"右手能放進衣襟".

看看照片中的女子吧. 她的浴衣是右襟在前, 能放進衣襟內的是左手. 這樣就和"右前"是完全相反了.

這種穿法叫"左前（ひだりまえ）", 是給死人穿衣服的方法.

所以, 一個沒有查清楚, 又"死"了一個人...還是該說"多了一個活死人"?

參考資料:

http://detail.chiebukuro.yahoo.co.jp/qa/question_detail/q1112405081

http://haywdfblog.blogspot.com/2007/11/blog-post_24.html

祟日+唔用腦...

2009-06-24T22:45:00.004+08:00

其實幾個星期前已經想講, 但係諸多原因+理由, 到現在先講...

香港人祟日(好多人會話唔係"祟日", 只係"比較鍾意". 但係睇吓一街D國產/港產貨夾硬加D連我都睇得出係錯嘅"日文"落去, 扮"日本貨", 樣樣野只要似係由"日本"來嘅, 就特別貴都要去買, 下略原因N項. 要否定"香港人祟日"真係有D困難...)

普羅市民祟日. 官員都祟日.
如果唔係祟日, 點解一有D唔係好大, 又近海邊嘅地方要"重建","活化"就一定有D官員提出:要興建一個類似日本東京築地魚市場嘅旅遊景點.

流浮山要起一個"築地魚市場".
西區貨物起卸區要起一個"築地魚市場".

本來冇魚市場嘅地方要去起一個"魚市場". 有冇諗過要用幾多錢同可行性呢? 魚要由邊度運來? 附近交通配又承唔承受到?

而其實最根本嘅係"日本東京築地魚市場"點解會係"日本東京築地魚市場"?
"日本東京築地魚市場"並唔係為遊客而建. 魚市場本身係為魚類批發銷售而建. 只係越來越多遊客去而發展成成景點區(日本政府曾經頒布法令禁止遊客在某一D時段進入魚市場嘅某一D地方, 以免遊客防礙漁販工作).

為咗製造景點而起"魚市場"...要話係"本末倒置"? 定係"不知所謂"呢?
佢地(官員&議員)提出呢D提議之前, 到底有冇用腦認真諗過先講嘅呢?

想唔諗, 但又做唔到...

2009-06-21T01:13:00.002+08:00

同學叫我唔好放喺心上面, 因為世界上面總係有D人係唔抵得其他人付出咗一D佢地自己唔肯付出嘅野之後有嘅收穫.

但係當不斷遇上被"啤怪獸"嘅情況, 真係好難話一句 "唔放" 就唔放.

<<我的被"啤怪獸"事件簿>>
- 在巴士上跟日本人老師說話時 -> 被"啤怪獸"
- 在地鐵上看日文小說 -> 被"啤怪獸"
- 去旅遊展跟日本人參展商代表說話 -> 被"啤怪獸" (那對情侶還要被"怪獸"嚇僵, 聽到用中&英文講"唔該借借"都不會動, 只是在"啤怪獸"...)
- 在星北北和同學一邊喝咖啡一邊練習口頭試験 -> 被"啤怪獸"

其實世界上應該唔會有咁多同學所講, 只係會"眼紅人地"嘅人. 但係點解我成日都被人"啤怪獸"呢?
定係, 應該係因為我有問題呢?

謎

2009-06-19T22:08:00.002+08:00

呢個節目, 無論係上一輯定係今一輯, 都只係睇咗少少就冇再睇落去.
雖然我係好鍾意睇呢類"古靈精怪"嘅東東. 但係因為佢D片實在係太舊, 同埋佢嘅表現手法太核突, 真係頂唔住... +__+

今日食LUNCH時, 聽到坐隔鄰食完野喺度吹風吹水嘅3男1女突然用好嚴肅凝重嘅語氣, 喺度研究僵屍!

其中一個人講: 根據Adam 鄭嘅資料, 僵屍係....

?? 竟然係"根據Adam 鄭嘅資料"??? @_@??

然後個女人講: 我睇過有本書講, 僵屍係人研究出嚟嘅. (這可是"科學怪人"呢~)
另一個男人答: 但係我睇過另一本書係相反過喎, 話人類係僵屍研究出嚟做奴隸嘅.("吸血鬼獵人D"??)
第3個男人話: 其實呢2個說法, 喺好多故事都有咁講過.
第1個男人又講: 但係Adam 鄭話...(唔記得咗佢講乜...)

喂! 喂!!
你地用D咁認真嘅語氣嚟傾, 等我仲以為有D咩野講吓.
你地嘅根據竟然係小說故事同Adam 鄭??? @O@???

卅九幾歲人! 竟然!!

真係 ((~__~))... 搞到我幾乎想露返兩手再現一現對獠牙俾佢地歎吓...

Hi-Chew

2009-06-17T21:42:00.003+08:00

呢2個係Hi-Chew嘅封筒.
上面綠色嘅係日本版, 下面紫色嘅係香港版(雖然係同時喺銅鑼灣そうご買嘅).

香港版同日本版除咗用嘅文字唔同之外, 原來仲有個"注意事項", 香港版係冇嘅.

日本版喺"賞味期限"上面有一句說話:"歯科治療材がとれる場合があるのでご注意ください。"

意思係話:食Hi-Chew有可能將D補牙物料"黐"走. 請你注意.

咁大件事, 點解香港版係冇嘅呢?

香港版嘅同一位置, 係: BEST BEFORE 此日期前最佳

唔通係因為驚出咗呢句警告字眼之後冇人敢再買嚟食?

土砂降り

2009-06-11T23:48:00.002+08:00

土砂降り(どしゃぶり/dosyaburi) 即係暴雨/ 傾盆大雨.

今朝6點幾, 突然醒咗.

窗外面好大雨. 行雷閃電不斷.

"拿拿林"出廳閂窗.

東區走廊同附近D豪宅又幾乎唔見晒...

天文台話朝早5:00~8:59 閃電超過1500次.

又一個"愛靚唔愛命"的選擇 -- "浣腸水療"

2009-06-09T21:42:00.006+08:00

這個"美容瘦身法"其實已經引入香港有一段時間. 但一向都沒有引起我的注意.
直到最近幾日, 乘巴士回公司時在巴士電視上不斷看到一個"代言人現身說法式訪問"在極力推介, 才被"挑起條筋".

"浣腸水療": 即是"洗腸/灌腸". 很多人都知道, 其實就是用一條管子, 將溫水從屁股眼灌進腸子裡. 而後靠這些灌進肚子裡的水將便便沖出來.

"代言人"說完成療程之後"覺得"自己很乾淨.
這是當然的了, 花費那麼大的功夫去洗, 豬大腸也可以拿去吃, 沒問題.

但是真的有需要拿幾百元去大便嗎? 一個人如果身體健康, 便會自然而然地會將體內廢物排出體外. 上個廁所只需要幾格廁紙.

而且還是要在陌生人的面前大. 真的是個很好的享受吧...?

再者,"洗腸"這東西還真是有它本身的風險的. 就如在政府新聞網的那篇"舊聞"所說的, 有機會會刺穿腸, 感染傳染病.

沒有被刺穿腸和感染傳染病亦不等於 "感覺良好, 沒不良影響".
因為腸子被這種"人工排便法"服侍久了, 就不會再自己去動. 也就是說身體不會再自行便便. 到那個時候就變成非得要付錢在人面前便便不可了.

真是一個光明又美麗並且優雅的未來!!
我會想要這樣的一個未來嗎?
謝謝, 不用預我的份了.
想要的人, 請便. 好好的享用吧!

以下係香港政府新聞網一份好舊的新聞(2006年10月13日). 雖然開頭幾句是說生蠔, 但其實整篇都是在說"洗腸"的.
http://www.news.gov.hk/tc/category/healthandcommunity/061013/html/061013tc05011.htm

赤壁2的主題曲, 中文版與日文版

2009-06-09T01:34:00.007+08:00

因為睇咗Music Station嘅關係, 知道有隻歌叫"久遠の河/くおんのかわ/Kuon no kawa". 由一個中國四川籍嘅藏族美女--亞蘭(佢全名好長...亞蘭係最頭2個字)演繹.
呢首歌其實係"赤壁2"日本版嘅主題曲. 中文版嘅主題曲係"大江東去".

2首歌都搵咗來聽. 仲要好"精神分裂"咁左耳日文, 右耳國語同時聽.
會咁"精神分裂"嘅原因, 係因為分開聽時覺得2首歌應該係同一首嚟, 但係就係有D唔同.
當然編曲好唔同, 一開始已經好唔同.
除此之外, 原來2首歌在旋律音樂上係有些微分別嘅. 仲有中文版比起日文版起碼高咗8度!!

非常主觀咁講, 我係鍾意日文版多D. >:P

以下係2首歌嘅歌詞同MV嘅link.
先睇唔駛翻譯都明晒嘅中文版:

<<大江東去>>

看大江東去
浪花淘盡千古英雄
笑指點江山
是非成敗俱灰飛煙滅
此地一為別
青山舊雨初歇豪情卻向誰說
機遇難賒
東風且暫借
流年似水足印難重疊
赤壁難辨
風流雲散處
只剩下當時明月
枉海闊天空
故人不曾入夢
幾度夕陽紅　晚鐘
分久必合合久必分
暫寄天地之間敵友難分
多情應笑我華髮生
但為君故獨沉吟至今
一時瑜亮一壺酒萬古銷沉
人道是分久必合合久必分
和你終須一別
秋月春風殘雪
枉海闊天空
故人不曾入夢
幾度夕陽紅　晚鐘
分久必合合久必分
暫寄天地之間敵友難分
多情應笑我華髮生
但為君故獨沉吟至今
一時瑜亮一壺酒萬古銷沉
人道是分久必合合久必分
和你終須一別
分久必合合久必分
暫寄天地之間主客難分
多情應笑我華髮生
但為君故獨沉吟至今
一時瑜亮一壺酒戎馬一生
人道是分久必合合久必分
人生縱使一別
天涯共此明月

http://www.youtube.com/watch?v=X4a1XREs3gE

再睇日文版. (幾時會有中文翻譯? 等我努力吓先啦... =__=)

<<久遠の河>>

もう　そこには
風の音が響き
そう　誰もが
新た種を蒔く
古の詩を語る
壁の跡に

岸辺を
砕く波
なにを憂うの
まだ

別れた
人の名が
消えないように
哀しみも
包み込んで
許しましょう　いま

涙の向こうへ
また光は射すから
大河の流れに
この魂をあずけて
水に舞う月のように
たとえすべてが夢でも
どんなときも
生きてゆける

苦しみが
いつか愛に
報われるなら

教えてください
なぜ命は争う
答えてください
この絆が問うもの
何処も同じ空なのに
雲は時に傷を負う
雨を呼ぶ

涙の向こうへ
また光が射すまで
大河の流れに
この魂をあずけて
水に舞う月のように
たとえすべてが夢でも
遥かな道
生きてゆこう

http://www.youtube.com/watch?v=4Oc0tBsc91s&feature=fvw

稍微新聞報告一下

2009-06-01T00:10:00.003+08:00

今日搭電車, 遇著64廿週年遊行.

於是, snap shot一下.

請留意, "流議員"嘅行為同表情似行show多D...

不思議事件

2009-05-26T20:41:00.002+08:00

家住2X樓, 乘的是只停G,P,22~36的高座電梯.

今朝, 遇到了不思議事件.

當我進電梯時已有一個清潔工大叔在電梯裡, 繼我之後的是一個印傭和一個上幼稚園的小妹妹. 最後是一個體型肥大,"高低膊"十分嚴重的男人.

電梯的樓層按鈕只有"G"是亮的. 所以當電梯門開的時候電梯內的人都很下意識的起步出去.

肥大男人最先走出去了, 接著是清潔工大叔. 我因為看見外面地板的地磚圖紋和平常見慣的不一樣而遲疑了一下.

然後聽到印傭對小妹妹說: 4樓呀.

4樓??

這電梯是沒有4樓可以停的!!

抬頭一望, 顯示層數的LCD確實是個4字!!

清潔工大叔急急腳走回來. 肥大男人就沒有...

我連忙按關門掣.

電梯再開門時是熟悉的"G", 不禁舒了口氣, 但不解的疑惑仍然纏在心頭...

"貓人"

2009-05-26T00:35:00.003+08:00

星期六, 久違了的"通宵電影夜(就是發夢和看電影一樣+隨時親歷其景, 比看電影更精彩!!)"

在一個人類和"貓人(可以在人和貓2種形態之間自由互換的生物)"共存但不共和的時空.
不知從何時開始, 有一個傳言開始流傳:

當出現"人"和"貓"的形態不協調的"貓人"時, 人類的主宰地位將會被取代.

於是, 人類的當權者開始嚴密監視"貓人"的部落, 為的是找出"2個形態不協調的貓人"來個斬草除根.

有一天, 某個"貓人"部落派出了刺客(我啦!)去暗殺人類政府的一個軍方高層.
結果, 失手被捕...
不可思議的是, 雖然被抓了個正著, 但不單沒有被處刑, 就地正法, 反而被保護匿藏起來! 還被告知能令人類政府倒台的秘密!!

原來這個軍方高層竟是混進人類軍隊的"貓人"! 而我呢, 是人類形態是成人但貓形態是幼貓的"2個形態不協調的貓人"!!

能令人類政府倒台的關鍵物在人類政府的總統手上.

因為總統曾承諾過要送"軍方高層"一個"不管是什麼要求都必定會辦到"的特權作為結婚禮物. 為了要將那個關鍵拿到手, 於是, 我便要和"軍方高層""結婚"了.

就在婚禮前不久, 我是"2個形態不協調的貓人"的消息被洩露了.

人類當中反"貓人"的派系派出了很多人要破壞婚禮, 而大批"貓人"亦衝入市區, 隨即演變成混亂狀態.

這時候,

我醒了...不過用了2天的白日夢時間, 我也將這套"電影"的結局給想出來了. 日後, 我會用更多的時間去將內容和細節也想出來的... ... 我希望會啦...

噓　BY　シド

2009-05-24T00:57:00.003+08:00

好久冇睇一次Music Station.
上次睇到Gackt嘅"機械人舞曲" Get Lost! (如果冇記錯歌名的話, 到依家都仲未搵到...)
今次睇到嘅係シド(Sid) 嘅"噓"(Uso/謊話)
最初佢地出場時覺得怪怪地, 因為佢地雖然又染髮又"箭豬頭", 但係又有D女らしい...
但當佢地演唱呢首歌時: 咦? 我聽過過喎! 記得係不錯聽的. 嗯...喺邊度聽過呢...?

想咗陣, 終於想到, 係只睇咗2集嘅"鋼之煉金術師FA"嘅片尾曲!

來! 聽歌!

嘘　BY　シド

あの日見た空　茜色の空を
ねえ　君は憶えていますか

約束　契り　初夏の風が包む
二人　寄り添った

無理な笑顔の裏
伸びた影をかくまう

だから　気づかぬふり
再生を選ぶ

テーブルの上の
震えない知らせ　待ち続けて

空白の夜も　来るはずのない朝も
全部分かってたんだ

あの日見た空　茜色の空を
ねえ　君は忘れたのでしょう

約束　契り　初夏の風に消えた
二人　戻れない

音も　色も　温度も
半分になった　この部屋

今日も散らかしては
揺れ　疲れ　眠る

「上手に騙してね　嘘は嫌いで好き」
君の言葉

今頃になって　気持ちは痛いほど
だから　僕ら　さよなら

いつかまたねと　手を振り合ったけど
もう逢うことはないのでしょう

最後の嘘は　優しい嘘でした
忘れない

あの日見た空　茜色の空を
ねえ　いつか思い出すでしょう

果たせなかった　約束を抱いて
二人　歩き出す

http://www.youtube.com/watch?v=dfl4J_2IvKM&feature=player_embedded

彌敦道塌廣告牌

2009-05-05T00:42:00.005+08:00

今日返學, 由地鐵站轉出彌敦道就發現好多人停咗喺度(雖然嗰度平時都好多人"停咗喺度"), 齊齊向旺角方向望, 又有好多人攞相機影相.

人望我又望, 睇見有幾架消防車喺度, 最初以為又有D什麼確診個案, 要封鎖隔離又或者係有人企圖跳樓之類.

點知原來係有一家"娛樂場所"嘅巨型廣告燈箱搖搖欲墜...

呢邊睇得唔清楚, 去第二邊睇:

八掛完, 當然係繼續向旺角方向前進, 食飯跟住返學囉!

巴士亞姐X2

2009-05-01T00:33:00.003+08:00

不時聽聞到嘅"巴士亞叔", "火車亞姐"之類嘅情況, 終於有機會現場睇戲一次.

已經係上個星期四嘅事.
夜晚放學之後, 一如往常, 搭巴士返屋企.
一切都好正常.
直到巴士過咗天后, 坐落車門後面個位嘅亞姐拎轉身, 同坐落車門後面第2個位嘅亞姐講,
亞姐1: 喂! 好囉喎! 你頂夠未呀?!
亞姐2: 我對腳係咁長架喇! 家陣唔俾人腳長呀?

2個亞姐你一句我一句, 鬧咗一陣就冇晒聲, 當在場嘅所有人以為"散場"時, 坐落車門後面第2個位嘅亞姐把聲突然間響起,
亞姐2: 坐我前面條八婆呀, 話唔俾我腳長呀!
亞姐1: (拎轉身)咩X事呀你! 八婆! 八婆! 八XX野呀!
亞姐2: 咩X野呀! 我同我老公講電話唔X得呀?!

於是"戰幕"再開, 2個亞姐仲用亞媽互相問候, 一時之間, 成車都係亞媽...
亞姐1仲走去搵司機先生, 話
亞姐1: 有人恐嚇我呀, 我依家好驚呀! 我要報警!

咁嘅情況之下, 司機先生唯有將巴士駛埋一邊, 等2個亞姐繼續用亞媽互擲同決定係咪要報警.

又一輪大吵大鬧之後, 終於佢地決定唔報警, 車又可以再開喇.

鬧吓鬧吓, 巴士去到太古, 停站, 2個亞姐一齊落車. 佢2個一落車, 有個亞婆即刻就講.
亞婆: 佢兩個一齊行, 唔知會唔會打交呢?

其實當時我好想攞部機出嚟錄低佢, 可以同親朋好友分享一吓, 但礙於我坐個位好當眼, 為免2個亞姐一齊調轉鎗頭, 用D亞媽嚟擲我, 所以只有乖乖睇戲囉...

夢

2009-04-28T22:56:00.003+08:00

Mansai曾經話我似"吸血鬼", 因為我:
1, 晝伏夜出...
2, 鍾意食有血味嘅肉...
3, 鍾意飲紅色嘅飲品(其中包括極似血漿嘅某牌子雜苺汁)...

但係我從來未試過發夢自己"變成"吸血鬼.
呢個只係記得好少嘅夢裡面, 我都唔知自己算唔算係吸血鬼, 但係都...

喺一座深灰色大石砌成嘅建築物門口嘅幾級樓梯上面, 我同一個好高, 留長頭髮嘅男人傾緊偈.
突然間我將左手伸向後面, 抓住一D野然後一扯, 手裡面"舊野"就順勢飛咗出去.

一個拖住血絲嘅人頭, 喺淺灰藍色嘅天空下面飛過.

而我只係甩一甩手, 將好長嘅指甲縮返去"正常"長度, 同長頭髮男人講: 走喇.

好似好恐怖嘅夢, 但係最恐怖嘅, 可能係醒嘅時候諗住: 個夢咁就完嗱? 嘅我...

李超人話佢喺54個國家有生意

2009-03-27T00:00:00.004+08:00

唔用地圖, 唔上網CHECK, 睇吓數到幾多個 (唔理同李生有冇關係!).
1, 中國 2, 日本 3, 法國 4, 美國 5, 英國 6, 柬埔寨 7, 越南 8, 泰國 9, 新加坡 10, 南韓 11, 朝鮮 12, 俄羅斯 13, 意大利 14, 西班牙 15, 葡萄牙 16, 冰島17, 南非 18, 澳洲 19, 新西蘭 20, 秘魯 21, 阿根廷 22, 墨西哥 23, 肯亞 24, 剛果人民共和國 25, 巴西 26, 土耳其 27, 巴勒斯坦 28, 巴基斯坦 29, 挪威 30, 加拿大 31, 巴布亞新幾內亞 32, 智利 33, 菲律賓 34, 印度 35, 印尼 36, 尼泊爾 37, 玻利維亞 38, 烏克蘭 39, 斯里蘭卡 40, 塞內加爾 41, 海地 42, 阿拉伯聯合猶長國 43, 埃及 44, 以色列 45, 塞以維亞 46, 伊拉克 47, 伊朗 48, 汶萊 49, 馬來西亞 50, 馬爾代夫 51, 委內瑞拉, 52, 瑞士 53, 瑞典 54, 格陵蘭 55, 梵蒂岡 56, 莫三比級 57, 奧地利 58, 波蘭 59, 芬蘭 60, 科威特 61, 德國 62, 黎巴嫩 63, 波里尼西亞 64, 斯洛文尼亞 65, 拉脫維亞 66, 斯洛伐克 67, 亞爾及利亞 68, 黑山共和國 69, 老窩 70, 緬甸 71, 捷克 72, ....

被大霧吃掉了...

2009-03-24T00:16:00.005+08:00

家在50樓的同學說：依家住得太高，成日俾D霧食咗。
住得高當然容易被大霧吞下肚子去，但今天早上的霧，可是不用住得高也會被吃掉的。

從腳吃上頭，再從頭吃到腳。

最後整個香港也被吃掉了(今天的能見度只有200米)。

09花展小插曲

2009-03-22T00:30:00.002+08:00

話說在花展的第2日，我便和亞媽去了參觀。

離開時，在網球場方向的出口附近，見到了這個。

牠就這樣把自己掛在樹上很久不肯下來。

不知到底為什麼?

請先撫心自問

2009-03-18T23:08:00.006+08:00

尋日發生咗一單"警察開槍打死野人"嘅事件。
喺香港"警察開槍打死人"咁大件事，各大小傳媒當然好多野講。

我只係東一句西一句咁睇，唔係好知詳情。
加埋亞媽嘅精彩講故，大概知道：
1) 有人報警話一直住喺山邊嘅南亞裔"野人"可能有不軌；
2) 有騎警奉召到場，上山查問"可疑人物"；
3) "可疑人物"＝"野人"在被查問時情緒失控，持木凳追打騎警；
4) 騎警先後用胡椒噴霧及警棍自衛還擊，但均被打掉；
5) 有指目擊者錄影片段中騎警多次大叫："放低武器！唔好迫我開槍"；
6) 有指騎警當時已被迫至死角，無路可逃；
7) 騎警開了2槍，1槍射失另1槍射中"野人"頭部；
8) 騎警受傷送院治療，"野人"送院後不治身亡。

作為一個唔在場嘅人，莫講新聞通常只睇大標題嘅我，就算係將所有新聞"Lun"完又"Lun"嘅人都冇可能對當時嘅情況知得一清二楚。
所以當我睇到亞"途緊身"議員話：被人打咪走囉，做咩要開槍殺人?!(原文係由記者轉述，寫得十分客氣)時就好想問："途議員"如果你係騎警先生，你會點做呢？當時你已經噴晒成枝胡椒噴霧，警棍被人打跌，支援未到，再加被一個已經失去理性嘅人，攞住木凳追住你打到埋牆角。你會點做呢？

當然，我冇可能問到"途議員"(問到佢，佢都可以話："唔答假設性問題")，所以我就靠多年來睇埋唔少嘅"FBI調查報告"同美式電視劇作為參考，推斷出以下結論：
有受過專業訓練嘅人會喺冇其他可行辦法嘅情況下，用最少嘅子彈令對手失去行動能力(當然唔會擔保一定唔會死人)。
一個普通人冇受過專業訓練而又有槍喺手的話(雖然喺香港冇乜可能)，係會開槍開到手麻痺或者有人制止先會停(當然都係唔擔保會唔會死人，冇人話冇受過訓練一定射唔中)。

事不關已時要諗一諗："如果我係當事人"，之後先好發表"偉論"。
如果自己係當事人，更加要諗一諗："如果我係對方"，先好發砲攻擊("口誅筆伐"呀...)。

我成日提醒自己：
每個人都有一個限度。

所以對其他人有要求時，請先撫心自問：你自己又做得到嗎？

2009又花展

2009-03-15T23:41:00.002+08:00

舊年借咗Mansai部單眼仔去花展(http://forev.net/HayWada?pid=593475)，之後中咗毒。
今年有自己嘅單眼仔，攞埋Mansai支手動對焦Marco，又去睇花展。

一如舊年嘅除咗"人山機海"之外，有好多擺設都係同舊年一樣，當堂興致大減...
2個鐘，影咗115張，只係揀到29張見得人...

我嘅技術唔到家係當然嘅原因，次要原因應該係張張影嘅花都係差不多，所以覺得好悶 -__-;
不過都係要舖一舖相。

俾D意見啦...
http://picasaweb.google.com/hay.wada/2009 #

麻生連連出醜帶挈日本漢字語文書熱賣

2009-03-06T09:24:00.003+08:00

麻生連連出醜帶挈日本漢字語文書熱賣
(明報)3月6日星期五 05:05
【明報專訊】日本語中有不少漢字，但漢字的複雜寫法和發音，原來很多日本人都駕馭不了，日本首相麻生太郎正是其一。麻生多次在公開場合念錯漢字，遭日本輿論嘲諷「有辱國體」，有反對派議員甚至在國會公開要求他試讀漢字。
日文中的漢字，常會有好幾種不同的讀音，讀法必須依上下文而定。以日文的漢字「一」來說，不同情况下就有7種讀法。去年麻生出席中日少年友好交流會時，就把原稿中「日中首腦如此頻繁往來，實屬少見」中的「頻繁」，念成了「繁雜」（意指麻煩），被批失禮。
反對黨議員石井一最近就在一次國會會議上，抨擊麻生失禮，他拿出一塊列出了一些漢字的字板，質問麻生：「你懂得它們嗎？」麻生拒絕了他的挑戰，但石井一得勢不饒人說：「現在不認識漢字的人會遭到嘲笑，人們紛紛跑去買教科書。或許你應該為提高這些書的銷量而驕傲。」
學漢字書銷量力壓奧巴馬演講集
一本名為《看起來很簡單但容易認錯的漢字》的書，最近連續6周成為語文學習類暢銷排行榜冠軍，力壓日本人當成英文學習「聖經」的奧巴馬演講集。書本大賣，出版社東販的發言人笑說：「若論銷路，麻生打敗了奧巴馬。我們欠了麻生首相一個人情……很多人不想和麻生首相犯一樣的錯誤。」
除了讀音，麻生連書寫漢字似乎也有問題。今年1月，麻生用了39秒寫下了「安心活力」四個字，作為自己新年的目標並於記者會上公布。但這舉動並沒獲得國民的掌聲——日本傳媒發現，在「安心活力」中的「安」字，麻生沒寫寶蓋頭，而是用了一橫，怎麼看都只像一個「亦」字。
八卦雜誌把麻生太郎日文漢字程度差，歸咎他平時不看新聞、只愛看漫畫的緣故。在麻生的家鄉福岡，人們現在都喜歡把經常讀錯漢字的小孩稱作「小太郎」。不過新任財務大臣與謝野馨則嘗試給麻生多次「口誤」解話，聲稱麻生可能是因為太想讀得正確，結果緊張得愈說愈錯，「有些人就是這樣，愈努力就愈在麻煩中泥足深陷」。2007年一項調查指出，兩成16歲或以上日本人承認，他們常遇到不識讀漢字的問題，有三分之一更直言寫漢字有困難。

哈哈哈～！
呢篇新聞可以用嚟做我記唔到日語漢字讀音嘅"抵賴證據"呢？
土生土長嘅日本人都讀唔掂，更何況係住在外地嘅"外人"？

不過就好想玩玩呢個遊戲："以日文的漢字「一」來說，不同情况下就有7種讀法。"究竟我數唔數得晒出嚟？
a)一 (いち/ichi)
b)一人(ひとり/hitori)
c)一生懸命(いっしょうけんめい/issyoukenmei)
d)一昨日(おととい/ototoi)
e)一(はじめ/hajime)
f)一日(ついたち/tsuitachi)

...仲差一個... >_<...

究竟我係咪冇要求?

2009-03-06T01:00:00.001+08:00

我鍾意整野食。
搬咗屋半年，冇咗個焗爐咁耐失落咗咁耐...

有人話：鍾意整野食嘅人對食物一定都係好有要求。

我對食物有冇要求呢？
好似唔多覺。

冰鮮雞冰鮮豬，有人認為難食到唔入得口。
我覺得冇乜分別，而且價錢平好多＝抵食！

百幾二百蚊一份嘅磨芝麻炸豬排，有人等位等成個鐘去食都話係值得。
我又覺得唔係好值(可能因為喺日本食過又平又好味嘅大叔炸豬排。所以覺得"磨芝麻炸豬排"真係唔值咁嘅價錢...)，只係好普通嘅一份炸豬排。

做咗幾百個月人從來冇覺得有D咩野食係"好食到不得了！"亦冇幾多樣係"難食到擺唔落口"。所以我估我算係冇乜要求。

但係去到茶餐廳，快餐店食"廿零卅蚊"的套餐，又或者係去食大Ｍ奴套餐而要求D肉要"鬆軟，有肉味，有肉汁，冇筋冇渣，入口即溶"，D菜要"鮮嫩翠綠，爽口清甜，不油不削，有機種植冇蟲冇農藥"，"食店裝修要有氣氛"再加5分鐘內轉3次位又係唔係等如"識飲識食"，"對生活有要求"呢？

噴煙中的朗豪

2009-03-05T23:37:00.001+08:00

今晚返學之前喺油麻地某便利店買野飲。
同學由便利店出嚟時發現咗D野，於是齊齊望過去，發現：

煙霧不斷由朗豪噴出嚟，但又見唔到有火光。
所以都唔知發生咩事...

もずく

2009-03-03T00:03:00.002+08:00

もずく(mozuku)
這個東西中文譯名好靚，叫"水雲"。
其實係一D深啡色嘅海藻類植物。除咗沖縄(Okinawa)之外唔知仲有冇其他產地。因為見到有得賣嘅都係沖縄産。
最初為香港人認識係因為想要用佢取代髮菜。但係唔知因為香港人嫌佢貴？有海水味？定係髮菜有依然"源源不絕"嘅來貨嘅關係，もずく冇辦法喺香港普及，要買的話只能夠去日式百貨嘅超級市場又或者去"城市超級"。而且，講真佢真係唔平...
唔平但係又買，係因為自從喺日本食過第一次(唔記得係宿舍伙食定係出街食)之後，我就愛上咗もずく呢種東西。
一入口係唔係好慣，因為好酸而且"滑汕汕"(因為用醋浸住，藻類嘅膠質又出晒嚟)，但係食食吓又覺得幾好味。之後每次出街食定食(喺日本時)見到有得加，都會加(加50円，以當時兌換價計大約HKD3)。

今次買嘅呢種叫三杯酢もずく(sanbaizu mozuku)。之前未試過(食過之後覺得黑醋嘅好味D)，揀佢係因為"佢"好似食得好開心，lam lam脷。

請記緊: 知足者, 常樂也.

2009-02-26T23:59:00.004+08:00

不是說不應追求，但我覺得"知足常樂"更重要。

買六合彩中了3個字，很多人會嗤之以鼻。但當我從投注站櫃員手中取回$20時(對！我沒有換另一張彩票而是取回$20)沾沾自喜的表情令在兩旁在排隊買彩票的人覺得我"有病"。不過我真的是很高興，因為我"贏了$20"！

雖然這個事例舉得有點不恰當，但凡事換另一個角度看，都可以讓自己快樂一點。

就說星期三公布的財政預算，在國際整體前景不明朗的情況下，作為政府的理所當然地應該保有一定水平的儲備，以為不知還有幾多年才會過去的經濟衰退作好準備。如果只為博取短暫掌聲而盲目派錢的話，滅亡將會比自焚來得更快。

但是有不少人就因為"錢派得少"而不滿，高聲叫罵。
在電視新聞中有一對夫婦說他們不滿，因為稅減得不夠多，而且也不派錢給他們供樓。說那是一項負債，那是對他們不公平，云云。
沒有錯，借錢買樓當然是負債。但說實在的，買樓是你自己的選擇，(悔氣D可以講：又冇人用槍指住你個頭要你買，而且你依家仲住緊喺嗰度！)不應該將責任推卸到別人身上。
轉個方向想，雖然你有這一負債，但你總算有一片"屬於自己的瓦遮頭"。有很多人想要負債也沒有能力去負。所以有負債的不是比較幸福嗎？不應該高興嗎？

其實身在香港，本身已經是一件很值得高興的事。因為香港是個很富有的地方。
在高叫不滿政府派錢派得不夠多怨天怨地的時候，為什麼不想想活在鄰近地區有很多人他們一家人一個月的總收入可能不夠給你到餐館吃一頓飯或買一瓶面霜。有更多的人不管他們多努力也不能得溫飽，只能等著餓死的那一天。

不要忘記，自己已比世上其他人幸福太多。

在我家有一句常在飯後說的口頭禪："好滿足，好幸福"，因為還有能力去吃(這可以需要有健康和金錢的大事！)一頓飯，所以很快樂，覺得好滿足，好幸福。

請緊記：知足者，常樂也。

這個身體習慣了

2009-02-20T22:45:00.006+08:00

腸胃炎...

從小到大除了氣管不好之外，最常"患"的，就是"腸胃炎"。
病因是：完全沒有。
在家裡一起吃亞媽煮的飯，所有人都沒事，我卻可以"腸胃炎"。
由於"腸胃炎"的次數太多，身體也習慣了...

大專時代曾試過有一次，課堂中我突然"好若無其事"地離開了教室。
下課後同學找到我，問：你頭先做乜？
我答：去咗廁所嘔。
同學：亞Sir望住你一頭霧水，仲問我地你有冇講發生咩事。
我：我當時一開口就會噴。同埋我應該有面青口唇白，佢應該估到。
同學：冇。你個樣同平時一樣。

第一份工的某個夏天，lunch時因為吃了已變壞的東西(酸辣麵...配料壞了也吃不出來。有個同事說覺得有問題時我的麵已差不多"見底"了...)，回到公司不用15mins去了"大爆發"...(真的很對不起負責清潔的亞姐)扶著牆，站都站不穩的從廁所出來。30mins之後到了客人的office進行了數個小時的口舌捍衛戰。
在一起的同事說：講都冇人信你出來之前又痾又嘔，幾乎行唔郁！

剛剛，吃過晚飯後不久，肚子痛。
將亞爸從廁所趕出來之後...+__+
亞爸亞媽不斷在門外叫，怕我已經暈厥了。因為我那時可是連回他們一句話的力氣也沒有...
一切結束，清理案發現場之後，就是和什麼也沒有發生過一樣。沒有"手軟腳軟"，沒有"個人好虛"的感覺，就和已經什麼也沒有的胃袋和腸子一樣，一丁點"唔舒服"的感覺都沒有。
亞媽還說：邊有人嘔完之後仲好似隻老虎咁生猛？！

如此這般的"快速復原"能算得上是"特長"嗎？要是寫在履歷表上恐怕會令看的人口吐白沬而亡吧！

置身十里迷霧中

2009-02-15T14:33:00.004+08:00

今日，星期日。

瞓到下晝先肯爬起身。

出到廳，窗外面竟然只有白色。

一早已經起咗身嘅亞媽話：越晏越大霧。今朝仲見到加X灣。

13:40　仲勉強見到"大pizza"

14:24　已經睇唔到...東廊都已經唔見咗...

望過"隔籬邨"，只係得灰色。傻瓜DC focus 唔到...

要去買好多"吸吸大笨象"...

一個人食lunch，好無聊，於是...

2009-02-12T01:06:00.002+08:00

喺街四維逛，順便去我好鍾意嘅嚤囉街。
行行吓，發現呢個路牌...嗯...係個靚女嚟。

另外呢張係幾個月之前影嘅。真係唔知佢order同掛呢個招牌時係諗緊乜...

德梵風波

2009-02-07T02:40:00.001+08:00

近幾日留意到一單國際新聞，話教宗本篤十六世允許幾個否定有納粹大屠殺存在嘅主教回歸教庭復職。
德國總理就帶頭評撃教宗嘅決定。話咁樣係對唔住德國嘅基督徒，天主教徒同所有猶太人。
呢件事令德梵之間幾乎出現國際糾紛。

喺我呢個聽"南京大屠殺"多過"納粹大屠殺"，又唔係好知其他國家國情嘅人嚟講，覺得有D奇怪。
因為就"南京大屠殺"嚟講，到依家仍然：
有一D日本人(加害者)：冇咁嘅事！
中國人(被害者)：不可以忘記歷史。
其他國家嘅人(外人)：... ...

但係今次問題主教事件，各方對"納粹大屠殺"嘅態度係：
德國人(加害者)：唔可以否認納粹黨曾經屠殺猶太人！
猶太人(被害者)：... ...
英國人主教(外人)：冇死咁多人！

德國人承認責任，將歷史引以為鑑，呢一點好易明亦好合理。
猶太人可能都怒不可遏，只係新聞冇乜點講，所以變成：... ...
但係"講錯說話"又唔"收返"嘅主教又係為乜呢？諗唔明。

突然間又好陰謀論咁諗：曾經有人喺前任教宗若望保祿二世死時"預言"過，接任嘅教宗會係撒旦嘅使者。唔通因為咁，所以佢要將問題主教納入旗下，方便第時行事有多D人手？

**原來在德國，否定納粹大屠殺存在是可以判刑處罰的罪行。

唔知由幾時開始，要靚，首先要變"植物人"

2009-02-06T22:41:00.010+08:00

仲記得中一嘅時候有一科叫"綜合科學/I.S."，就係將物理，化學，生物呢3科最基本嘅知識擺埋1科嚟教。

生物科部份，最初係教"點樣分動物同植物嘅細胞" 。

最簡單而又最正確嘅分辨方法係：

動物細胞嘅外層係細胞膜。

植物細胞係細胞膜之外仲有細胞壁，而且通常會有一個好大嘅液泡喺個細胞入面。

"細胞壁"係植物專有嘅特徵。

但係由唔知幾時開始，肌膚美容要"破壁"將美容成份"導入"細胞。

以下係一個網上美容雜誌嘅copy & paste(我最想搵到嘅其實係楊怡賣廣告嗰間，因為係佢令我留意到呢個"人類構造"嘅轉變(進化？)，但係搵唔到...)high-light咗個重點。

文字上佢冇好詳細咁講(段片可能有，但係我冇心機去聽...)

http://www.hk-beauty.com.hk/video.htm

下面呢個台灣美容網頁仲寫到明"肌膚細胞壁"！！

http://www.wakema.com.tw/0266198989/3.htm

若果想知道人類嘅"肌膚細胞壁"係點樣嘅，以下呢個近排喺電視不斷播嘅美白面膜廣告有render俾你睇。

有關呢個美容產品，仲有一D好好笑嘅野。去呢個Blog睇吓！http://hk.myblog.yahoo.com/nagato-hikaru/article?mid=355&fid=-1&action=next

新聞娛樂化

2009-02-06T01:10:00.003+08:00

好耐冇睇電視。所以今晚都係第一次睇2個電視台更改播放時間之後嘅夜間新聞。
改嘅唔只係播放時間，仲改埋播放手法。

新聞娛樂化
係無線獨家新聞：陳志雲訪問王維基　時有提過嘅一個詞。

2個台新聞播放手法雖然未變到真係"娛樂化"，要講都只算係"輕鬆生動，唔再死板板"。但係亞視就有D過火。

半個鐘嘅新聞只係講到大約10單新聞，有幾單仲要只係講講個標題就算！但係就有3，4單新聞係用咗4個人嚟報(3個現場你1句我1句，再加1個採訪/預先錄配/在其他新聞中心講)，其餘嘅都要2個人報！手法係好輕鬆(同"主播天下"冇乜分別)但係每次接手講野時都"係呀，"，真係好煩...

無線更加擺咗4個記者(?)/主播(?)喺現場！不過佢地以其中1個係host其餘3個輪流出場。新聞時間由30分鐘加到45分鐘。報到嘅新聞多咗又詳細咗。幾好。只係方健儀報：日本畢業生打氣大會　時誇咗少少(出拳呀...)。

改變唔係唔好，但係唔好太過份(雖然可能只有我係咁覺得)太過份就好易失敗。亞視嘅新聞節目一向都係佢地嘅唯一強項，如果連呢一瓣都衰埋就真係要靠黃麗梅喇...

夢買賣

2009-02-02T00:47:00.003+08:00

記得舊年寫過農曆年時的初夢(每年第一晚晚上的夢)，新曆年的忘記了只記得和農曆年的差不多，是不太好的感覺的夢。
但一年過去，平平穩穩之餘，整體來說還是好的比不好的多。

今年，新舊曆年都過了。2個年的初夢都記得到。但寫不寫出來又令我有一些苦惱。
我承認我會在一些很奇怪的地方迷信一些很奇怪的事(雖然絕大部份時間我不會告訴別人我迷信些什麼)。
在我原本打算寫今年的初夢的博時，突然就想起了應該是司馬遼太郎(在"鎌倉戰神源義經"裡)說的有關買賣夢的事。

話說，當時源賴朝仍然被平氏放逐，落腳在北條氏居城附近的一所寺廟。
落難的翩翩公子當然是未嫁姑娘的八掛話題。
有一天，北條氏的次女跟她的姊姊－政子談及前一夜的夢。因為這個夢令她忐忑不安，於是找比她學問高的姊姊商量。
政子在聽了妹妹的夢之後發現，這個夢暗示妹妹將會嫁給一個掌握天下的男人。
她覺得以她妹妹的學識和氣量，要成為"天下人"的女人實在是會"力有不遞"，於是就用自己的夢去買了妹妹的夢。
北條政子成為了鎌倉幕府第一代將軍的夫人，也成為掌控日本政治數十年的"尼將軍"。

當然，這橋段應該有99.x%是作家用以製造氣氛的創作，完全無根據可尋。但不知怎的就是覺得寫了下來便會影響到別人(雖然我的博沒多少人看，也說過在自己的博要暢所欲言...)
我想，怪夢我還是會寫，但不好的夢還是不要了。
對...今年的2個初夢也不是"感覺很好"。在夢裡出現的東西比去年的更嚴重。所以還是留給自己好了...

第三番目の猫

2009-01-27T23:51:00.005+08:00

繼N年前整咗貓貓1&2(http://forev.net/HayWada?pid=587876)之後, 今次係貓貓3.
不過因為技術唔到家, 佢有D"大細超", 仲有D"射呢", 好似好惡死咁樣... ...

初一十五　天狗食日又食月

2009-01-20T09:39:00.002+08:00

春節「奇遇」初一日食元宵月食
(明報)1月20日星期二 05:05
【明報專訊】日食及月食並不罕見，正月在香港接連看到日食及月食則甚少有，過去200年只出現過3次。第4次機會終於來臨，大年初一及正月十五元宵，分別可於本港看到日偏食及半影月食。若錯過了今次，就要等到2074年才有機會看到。
200年3次下次要2074
天文台昨日公布的7天天氣預測，大年初一多雲及寒冷，氣溫介乎12至17℃，可能影響觀看日食的機會。當日的日食是一次日環食，在香港只可看到日偏食，當日下午5時08分開始至下午6時08分，隨着太陽及月球同時下降至地平線下便結束，食甚（太陽被月亮遮蓋最多）時間為下午6時03分，太陽最多有38.1％的直徑被月球阻擋。
日食開始時太陽位於西南偏西方，仰角約12度，因此最佳觀看地點為面向西南偏西方，地平線上無障礙物的地方，如大澳、南丫島和大帽山等。天文台表示，雖然日食發生時已是黃昏，但太陽光線仍相當猛烈，市民千萬不可以肉眼或透過望遠鏡直視太陽。較安全的觀測方法是透過針孔或望遠鏡把太陽的影像投射在白紙或硬紙板上，然後觀看其投影。
正月十五（2月9日）出現的月食是半影月食，即是月亮只會進入地球的半影，因此月亮的光度只會略為轉暗。這次月食由當晚8時37分至翌日零時40分結束，整個過程約為4小時3分鐘。由於月食發生時的仰角較高，大部分面向東及東南偏東方、無障礙的地方都能看到。下次在本港可以觀看到的日食將在今年7月22日，月食則在明年1月1日出現。

其實係天文現象加上中國農曆曆法再加古代民間傳說而成嘅"大件事"。
身為現代國際大都會人嘅香港人有好多時候其實好迷信。尤其當"時運唔係幾好"嘅時候會將好多事情嘅失敗或者不完滿推咗落去風水命理生肖星座頭上。
一開始時勢已經唔係好好嘅09年如果有D咩野更加唔好嘅發展，可能就會有人賴落去今次嘅"初一十五，天狗食日又食月"。
與其事後"搵野嚟賴"，不如轉個方向諗，積極D去學隻天狗"吞食天地"！

上呀！

結果係好定唔好可能完全唔到自己決定，但最起碼唔好放棄，做得到嘅都做。咁先唔會後悔。

一直都唔肯去相信

2009-01-16T22:45:00.003+08:00

竟然真係有女人會去完廁所之後唔洗手！！

從前睇過一D講"個人衛生調查"嘅新聞，其中有條調查題目係：去廁所之後有冇洗手嘅習慣？
當時我覺得呢條題目好無聊，因為我從來冇諗過有人會去完廁所之後唔洗手。

之後聽說因為身理構造不同，有D男人覺得"男人去廁所對手唔會好污糟，所以可以唔洗。"
於是，我認為"去完廁所之後唔洗手"係個"男人問題"與女人無關。

但今日竟然被我"見識"到"女人去完廁所之後唔洗手"呢件事(其實當初睇新聞時有講有一部分嘅女人去完廁所之後係冇洗手習慣，好驚訝！ @o@!!)...

下圖係我公司果層廁所嘅平面圖

洗＿＿＿＿＿＿門
　　廁　｜廁

入到去時近門果格已經有人用緊，咁我當然係去近洗手盤果格。

成個廁所唔係好大，乜聲都聽到晒。

沖水聲，開廁格門聲跟住係廁所大門閂門聲！前後不到2秒，中途冇開水喉洗手嘅水聲！！！@O@!!!

OMG!!佢一定係冇洗手！除非佢係沖廁時用廁所水洗(真係唔知邊種核突D...) XC==

今天，"笑到噴飯"的表演

2009-01-15T22:24:00.002+08:00

剛剛食晚飯時親身示範了：何謂"笑到噴飯"。

事緣今晚4妹上來食飯，當她食完時(因為她食很少，所以她食完我還在食)從手袋拿了些利是封出來給亞媽。

還說：我鍾意呢種利是封，因為佢冇果D膠。

我就邊吃邊答：啊！"免口水自貼膠"。

因為她聽得不明所以，於是就講起N年前這種利是封剛面世時的事。

希：嘩！呢個利是封有"免口水自貼膠"！
文西："免口水自貼膠"？(拿利是封一看)係"免水自貼膠口"...=_____=;

儘管已經是N年前的事，但是，"攻擊力"依然驚人，一起大笑之下，就親身示範了最失儀的"笑到噴飯"...("食不言"果然是對的)

原以為自己已經夠不知世事

2009-01-15T21:45:00.007+08:00

很多"城中熱話"我一點都不知道。
我時常都覺得自己知道的事實在少之又少。
昨天短短的幾分鐘令我大開眼界。

昨天lunch時間，由喜歡的牛腩麵店出來時，看見一輛困在車龍中的雙座位Smart Car。
其實一點也不出奇，奇的是身後傳來一個廿多歲男人的聲音(因為之後有看到他們的樣子，所以大概知道歲數)說：嘩！Smart Car出咗雙座喎？！

(@__@??)Smart Car不是先出雙座再出4座的嗎？
*根據維基的資料(參考了年份)Smart Car是在1998年面世，只有雙座，是當時(應該到現在仍然是)最細的汽車。 2004出了4座位的款式*

車龍移動，在看見Smart Car的車牌時發現是一個人的英文名。這也不出奇，因為"自定車牌"在香港已經有幾年歷史。
但是，當時仍走在後面的那2個男人又一次好驚訝地說：
－佢個車牌咁奇怪嘅？！
－係喎！得英文咋喎！
－係咪因為係試車所以個牌唔同D呀？
... ... =__=; ... ...

說實在的，我幾乎想轉頭問他們：你地係香港人嗎？

比常自稱"外星妖怪"的我知得還少，他們可能不是"自稱"而是貨真價實的"外星妖怪"...

上帝啊！會寬恕他們嗎？

2009-01-14T00:03:00.003+08:00

是1月13日吳志森在明報發表的文章的標題。
他寫的是對香港的立法會討論《家庭暴力條例》的感受。

看到他的這篇文章，讓我又再想起從去年聖誕節過後便一直存在於腦中的一個疑問：神的兒女，你們的所作所為對得起你們在天上的父嗎？

我說過，我不信宗教，［雖然我看很多不同宗教的書(最近在看佛教密宗有關女性佛唐卡的書)］但不代表我在教會學校待的幾年是完全空白的。

最簡單的，我知道聖經說："神愛世人。"信仰衪的(當然應該包括身為衪兒女的以色列人)當隨衪走義的路，不走惡的路。十誡裡也有說"不可殺人"和"不可偷盜"。

但自從08年的聖誕節過後在新聞報導(不論發佈形式)必定找得到"以色列出兵加沙"這一系列的新聞消息。
"以軍在平民區使用白磷彈"
"以軍炸毀聯合國所設學校"
"傳以軍計畫轟炸加沙的醫院"
"傳以軍刻意屠殺平民"
"以軍步署佔領加沙"
最近看到的是"以軍在加沙測試殘忍新炸藥"

攻打鄰國，掠奪土地，殺害平民。這些事都是扯著"愛世人"的衪的旗幟去做的。他們覺得這些是在榮耀衪的作為嗎？

假如，天上真有這麼的一個衪，衪會為這群兒女的作為而感喜樂嗎？　

(我常跟自己說："別談宗教，別說政治。討架吵嗎？"但想清楚了，管他的！在自己的博也不能暢所欲言的話，該去哪裡說？)

可能因為唔係"清湯腩"

2009-01-10T22:17:00.005+08:00

早幾日去咗"很出名的清湯牛腩麵"附近，亞SOO推介茶餐廳食牛腩麵。

雖則已經由網上食評知道呢間舖嘅服務係好差，但真係冇諗過連餐牌都要自己去攞...

原本諗住食蘿蔔牛腩，但原來得一大煲果隻...小女子縱然大食(有時啦)，一大煲牛腩當lunch實在只係會浪費，所以叫咗都係牛腩嘅"柱候牛筋腩米粉"。

$18一碗，份量多過廿幾蚊嘅"很出名的清湯牛腩麵"好多。但係D牛腩好硬，o趙好耐都未o趙到可以吞嘅程度+___+ (係有2件好肥，肥膏占咗80%嘅叫得做"林")

成碗米粉都唔可以用"好味"嚟形容。唔知係咪因為我食嘅唔係"清湯腩"而係"柱候牛筋腩"？

食後感：都係咳嗽同舌頭麻痺，但係冇"很出名的清湯牛腩麵"果碗咁嚴重。所以我決定，以後都係返去"喜歡的牛腩麵店"食牛腩。　:9~~~

助人為快樂之本

2009-01-06T00:50:00.001+08:00

也就是說，幫助別人之後，你會很快樂。
能覺得快樂是件好事，所以更應該多多地去幫助人，令自己有多多的快樂。

但有人類學家研究說，幫助別人是人類進化發展初期遺留下來的一種保護自己的生存機會的本能。
他們以一種吸血蝙蝠為例證。
那種吸血蝙蝠如果族群中有一些2天以來都找不到食物，其他的蝙蝠會反芻一些胃袋裡的血液給牠們，以保住性命。假若有一隻蝙蝠在飢餓的同胞乞討時沒有提出援助，那麼當那隻"自私的"蝙蝠找不到食物時，牠的同胞也不會援助牠，讓牠餓死。

在準備能力試時舊試題裡有一篇文章說，因為現在(在日本)已沒有不援助便會要死的人，所以也就不需要特別去幫人。因為會令求助的人養成不靠自己只依賴別人的壞習慣。

中國人更有一句"無事獻殷勤，非奸即盜"。

在試過不少次對人說"你甩咗鞋帶"，"你個袋未閂好"之後得到如看怪獸一樣的眼光和被恐嚇一樣說的一句謝謝之後匆匆逃離現場(鬆掉的鞋帶仍然鬆掉的情況下逃，還要轉過頭來看我有沒有去"追殺"他...)這樣的回應之後不禁會想，真的只有在"死人塌樓"時才可以幫人嗎？

只是不想不認識的人跌個"狗吃屎"或是被小偷有機可乘是錯的嗎？"應該由得他們自己承受自己的疏忽而導致的結果"，才是對的吧...？

幫助別人之後也不會覺得開心，只覺得難過的話，應該停止別再自虐吧...

探偵ガリレオー容疑者ｘの献身

2009-01-05T00:39:00.005+08:00

終於看了。很沈重的一個故事(相比電視版來說)。
看電影之前跑了去"Yahoo!電影"，有個人看了之後上去寫影評說：(大概)電影裡沒有招牌手勢，好失望。
但看過之後我覺得因為"招牌手勢"和"寫equation"跟今次的故事內容及感覺(主角－湯川学的感覺)很不協調，如果勉強加進去反而會令整套電影變得很難看。

為什麼我會覺得是不協調呢？
因為一直以來湯川都不帶任何感情，純粹為解開所謂不可能的事的真相而"協助警方調查"。所以每次寫一大堆equation，再做個"招牌手勢"就有一種"謎底已經解開"的成功感，接著只是做個實驗去證明。
但這次他不想證實自己是對的。因為不想"協助警方調查"，甚至還對內海說了：你要以防礙警察調查的罪名來拘捕我嗎？
這樣的他做不出勝利手勢吧。
(一同看電影的朋友在我說出電影裡沒有"招牌手勢"之前都沒有留意到這事。可見有沒有"招牌手勢"不是問題，最重要的是電影好看。)

在電影將近完結的時候(花岡和石神在警察看守所門外痛哭的那一段)竟然從後面那行傳來了"搵戲嚟做！"這樣的一句。
電視，電影，也都是"戲"，當然是要做的，否則沒得看。但究竟是不是"搵嚟做"呢？
單就"看守所門外痛哭"這一段來說，我覺得不是。
站在花岡的位置，在知道事情的真相之後是沒有可能繼續說謊說下去的。
能繼續說謊下去的人就真的很不是人。
我希望我的朋友當中沒有這種人。

...看過電影之後，有些少想越級挑戰探偵ガリレオ的日文小說...
好像是太大想頭了...

應該說是"口味不同"還是該說"我不是正常人"呢?

2008-12-23T01:08:00.003+08:00

今天的午餐跑了上歌賦街, 去排隊吃"很出名的清湯牛腩麵" (對!又是牛腩麵. 因為"我就喜歡!").
因為上去的時間比較晚(大約13:45~14:00到達), 所以只需要等幾分鐘便可以進到店裡面了.
伙計叫我上2樓最最最角落的那枱. 還未走到去, 只是踏出第一步便差點"窒息身亡"...悶熱+缺氧感覺撲面而來, 但在場的其他人都好像沒事一樣.
可能我"窒息"的表情大明顯, 有個伙計立即去開風扇, 空氣開始有些微流動.

坐好後叫了招牌的牛腩河.
又幾分鐘後, 小小的一碗牛腩河來了.
接近乳白色的牛骨湯, 有一層油舖在上面. 牛腩很大件(不過有點硬).
不記得聽誰講過 "吃麵首先要喝湯"
喝一口濃濃的湯, 心想"不愧是任何時間都要排隊的店. 湯雖然油, 但很美味! 難怪有不少人會另外再要一碗湯! :9~~"
一口湯, 一口牛腩, 一口河粉.
小小的一碗沒多久就差不多吃到"見底", 我也開始覺得"不對勁"了...
舌頭後半和喉嚨"麻麻的". 究竟怎麼了?
吃完離開麵店之後開始咳嗽和口渴, 感覺奇奇怪怪的.
連忙跑去買了枝"可可可樂", 喝了之後就沒事了...

想起來這不是我第一次對食物有這樣的"異常反應".

好幾年前有一次旅遊時到某專售鱷魚肉的土產店 (坊間傳聞鱷魚肉對氣管病很有效), 因為我從小氣管就不好, 於是亞媽要我試喝一下, 看有沒有"感覺良好".
在(整團人一起)試喝的時候, 店員當然不遺餘力地推銷, 說什麼"止咳, 潤肺"什麼的.
但只一小杯"試喝品"便令我和文西咳過不停, 咳得喘不過氣.
店員當然是以為我們是在"倒米"所以給了我們很大的白眼.
但我真的是喝了之後咳得幾乎斷氣. 特意搞惡的人應該不會冒把自己"咳死"的險吧...

在上環的西洋人

2008-12-17T21:59:00.002+08:00

在上環上班已經有幾個月。覺得上環是一個很有趣的地方。
有趣是她的中西古今交雜。
有趣是在這裡出沒的西洋人。

在上環的西洋人會比本土的香港人更不看交通燈號，不在指定過路位置，隨心所欲地在喜歡的地方，喜歡的時候過馬路。
問了一個會這樣做的西洋人(沒錯，就是我的法國人老闆)。他答：No problem. I watch.
其他規矩都要守足的說... ...

上環的西洋人和在中環，灣仔，尖沙咀的一樣，放工後會去pub飲啤酒。但上環的西洋人還會到中式涼茶舖，站著大口大口的喝廿四味或五花茶。香港人，除了老一輩的，還有幾多人會這樣做呢？

有些西洋人只吃西餐，有些也會吃中菜。
在其他區大都只會在餐廳或有整潔美麗裝修的地方看到西洋人吃飯。
在上環，你可以在裝修殘舊，地面油滑滑，用已不知經了幾多歲月，滿佈花痕的玻璃杯盛著同樣有歷史的筷子的燒臘店，看到有西洋人神氣十足地說要吃：
叉燒。燒肉。飯。一碟。

イキガミ

2008-12-16T00:54:00.003+08:00

死亡預告.
一向對於這種有些異常的電影興趣不大. 但是去看了.
原因? 因為可以和已經不再同班的日文同學聚一聚是也 (日語電影是聚會的カギ).

至於這套電影...我不懂它是好還是不好.
只是覺得, 假若我是"那個國家"的人民之一的話, 在平安渡過25歲之前應該會是個肆意放縱, 想做什麼就做什麼, 絕對不會去想"後果"的人.
因為, 儘管你努力勤奮, 循規蹈矩, 要死的時候還是要"光榮地為國家犧牲". 短短的一生什麼也沒做過. "以後"等到了25歲以後再想, 反正往後的日子還長. (雖然現在的自己也是個"什麼也沒做過"的人...)

看電影之前看了"石琪"的影評, 她說(只是意思, 記不了實際的用字...)世上的國家應該都不會做得出電影中"那個國家"一樣的事來(就是立法強制性地隨機殺死一些國民).

但在看完電影之後, 我和同學的看法都是: 日本人應該是做得出來的. 只是還未做罷了.

假若納米醫療技術繼續發展, 能預設程式和遙距監控的納米機械人成功地研製出來的話, 日本成為"那個國家"的日子, 應該是指日可待的了.

P.S. 從這電影中學了一句日語: 時間が来るまで。(等待時機到來.)

War Game

2008-12-12T01:54:00.003+08:00

星期一去喜歡的牛腩麵店吃午餐時, 隔鄰枱的2女1男在高談闊論著前些天War Game時的戰況, 策略, 戰果.
越來越多人玩War Game, 說什麼可以培養策劃指揮能力, 應變能力, 團隊合作精神云云.

很多年前, 當我還未玩過的時候, 我也很渴望玩War Game. 時時要常去玩的學兄帶我一起去(他們當然不應承).
但當玩過一次之後, 我決定以後也不會再玩這種遊戲.

雖然本來已經不好的左膝蓋中了7彈, 瘀紅色的彈痕在一個多星期後仍清晰可見也是不再玩的原因之一. 但最主要的, 是因為在"戰鬥當時"所感覺到, 想到的東西令我無法再抱著遊玩的心態去面對"槍林彈雨"的場面.

處身在叢林之中, 雖然間中會有一兩個同伴在身邊, 但是最终也是得靠自己的力量"生存"下去.
而在"戰場"上的靠自己和在日常生活中的靠自己可完全是兩碼子不同的事.

在"戰場"上感官知覺會自然地提升, 連很微弱的風吹草動也變得很響亮. 但在腎上腺素的影響之下, 聽得最清楚的, 其實是自己的心跳聲和呼吸聲.

在子彈隨時破風而來"取你性命"的時候, 心裡不可能沒有恐懼.
有人會說: 只是遊戲罷了. 反正中彈也死不了, 恐什麼懼!?

只是我的腦子並不是這樣想.

想到了在阿富汗和其他非洲, 東南亞較落後又常有戰爭的地區, 那些被迫拿著槍彈走上戰場的童子軍, 還未懂得生命是什麼便已經戰死沙場.
想到了在柬埔寨聽導遊憶述孩提時代的逃亡.

在我的腦子自把自為地將War Game現場和在新聞中的戰場的畫面同步化之後, 儘管手上拿著的是和真槍感覺差太遠的玩具氣槍, War Game也再不能成為"遊戲"而是"生死存亡的殺戮戰場".

是有點太誇張吧!

但怎樣也好, 因為想要"逃避戰爭"而不再玩War Game也說得過去吧...

Kissして

2008-12-12T01:14:00.002+08:00

剛剛先發現, 原來電視版嘅主題曲(片尾曲??) "Kissして"都係KOH+ (由博友嘅博文度睇到, KOH+ 係柴咲コウ＋福山雅治咁解)

來! 聽歌!

http://www.youtube.com/watch?v=k_wv66doFfk

但係呢, 唔知點解柴咲コウ唱歌時都好似木口木面, 怪怪地...

幾好聽

2008-12-09T23:28:00.006+08:00

最近有唔少人都一樣. 中晒呢個人嘅招:湯川先生-神探伽利略 (哈哈, 好少可中招嘅我都招ed, 福山雅治!! >@<).

但估唔到柴咲コウ唱歌都ok幾好聽喎. 佢講對白時好低音, 原來唱起歌嚟都可以幾高音!

http://www.youtube.com/watch?v=DuhZp0Fs0Oc

呢首歌係福山雅治作曲作詞, "神探伽利略 - 容疑者Xの献身" 嘅主題曲. 不錯聽啊~!

呵呵呵~! 已經預約咗班同學, 套戲上時一齊去睇!

不吃之人

2008-12-08T00:13:00.002+08:00

不要吃早餐
(星島)11月28日星期五 06:30
(綜合報道)
(星島日報報道)日本渡邊正醫生寫《早餐的革命》，提醒大家：「早餐有害！不要吃早餐！」
　　早餐無益是因為：早上是內臟休息的時候，這時應任由身體排泄，不應進食。空腹則可以提高免疫力。
　　渡邊正除提倡不吃早餐外，也提倡斷食。斷食即是平時不要吃飽，久不久就完全不進食。渡邊正說每星期選一天完全不吃東西，就更好。
　　斷食有益論，在西方和東方其他派別都有人主張。因很多發現指不吃飽的動物比吃飽的長壽，而不吃飽的人往往也會感到更健康、更舒服。
　　渡邊正提倡不吃早餐，其實也是斷食法的一種，它斷食的，是早餐。
　　你會依渡邊正的不吃早餐法嗎？我就不會。經常只吃七成飽，我支持，但不吃早餐，我不行。太餓了。渡邊正說習慣了不吃早餐後，就行。我認為還是不行。
　　何況，從理論上說，「早上不吃」也不見得很有說服力。反而「過午不食」，更像樣。
　　再者，現在健康飲食理論多如牛毛，理論矛盾相反者無日無之。很多人會無所適從，加深了做人之焦慮。如何是好？
　　我讀不同的健康飲食理論愈多，愈是釋然。更覺：甚麼都可以吃。因為，任何食物都有人話有害，但同時任何食物都有人話有益！既然這樣，即是無論你吃甚麼，都有些派別話你吃得對、話你吃得健康。這樣，還擔心甚麼？放心食啦！
　　圖：馮禮慈
　　(flc333@yahoo.com.hk)
　　(此君曰馮禮慈)

睇完呢篇專題, 想起上一期日文課程有一個"舊報紙"系列的課文 -- 食べない人々(不吃的人們)
說的是在日本的關西地區有一家甲田病院, 院長的甲田醫生用"斷食治療法"醫好了一些其他醫生用正統醫療法醫不好的奇難雜症的病人.
那些人病好了之後都只飲水或沒有煮過的菜搾的菜汁. 接受訪問的幾個人都說, 她們斷食之後反而身體更好, 更有活力(有一個甚至出現了特異功能?!)
坦白說, 就算有科學研究報告做後盾, 支持人斷食能身體健康, 延年益壽, 我也不會放棄食物.
因為食物是人和人之間交流的橋樑也是一種享受(和壓力舒解).
要謹記的只是: 適可而止 (但間中放肆一次也可以吧?)

越來越失望

2008-12-02T12:30:00.000+08:00

吳志森﹕剩下一幫不懂政治為何物的嘍囉
(明報)12月2日星期二 05:05
【明報專訊】泰國反對派民眾佔領曼谷機場超過一星期，估計有16萬外國旅客在泰國動彈不得。有的被困在機場大堂，吃喝睡覺清潔衛生，都在機場解決，活像難民一樣。較幸運的還有酒店可住，但預算已失，陷入彈盡糧絕，無以為繼的困境。
一個負責任的政府，有點常識的官員，對滯留在外國民的苦况，都會感同身受，稍有人性的，也應如對待親人般，馬上應急處理。中國一日派出7架包機，接回2000名中國公民。韓國、西班牙也有包機接載國人。一水之隔的澳門，也派包機飛赴泰國，將居民接走。
滯泰港人，情况跟大部分外國旅客沒有兩樣，有些現金早已用光，有些接到老闆最後通牒：再不上班就炒魷，有些長期病患帶不夠藥……個個急如熱鍋上的螞蟻，想方設法盡早脫離困境。但香港特區政府，卻好像一切如常，什麼應急措施也沒做過。
國泰派出包機到芭堤雅接走香港旅客，持有國泰機票的優先接載，如有剩餘機位，才輪到其他旅客購票登機。商業機構以商業原則運作，無可指摘。但搭乘其他航空公司航機的港人，特別是並非跟團的自由行旅客，就像孤兒一樣，如遊魂野鬼，不知等到何日何月。
一個遲來的記者會，一幫漫不經心的部門副手，一個態度輕佻的政策局副秘書長，三番四次的跟提問的記者爭論，為何特區政府派不得包機：芭堤雅軍用機場太小，申請批文太難……總之是決定永遠正確，即使錯了也責不在我，愈聽愈叫人光火。但這位姓魏的副秘書長卻無法解釋，為何中央政府一天能夠派出7班包機？為何連澳門特區都可以，香港政府卻如此無能？
為什麼港官如此麻木不仁？
包括中國政府在內的不少國家，在泰國局勢轉壞時，已對國人發出旅遊警告，連香港特區政府也勸喻港人「如非必要，應避免前赴曼谷」，說明泰國局勢在急劇變化。軍事政變傳言日盛，群眾衝突將會爆發，戒嚴也會瞬間實施，人們都盼望早日回來早日平安。保護公民的人身安全，是政府的責任，為什麼香港這幫官員如此麻木不仁，要在微枝末節的技術問題上兜兜轉轉？
寫稿之際，消息傳來，一對港人夫婦晚上趕往布吉機場，途中發生車禍，丈夫不幸身故，太太身負重傷。特區官員若不是在包機問題上拖拖拉拉，使滯留港人遲遲未能回港，不是歸心似箭，這宗慘劇會發生嗎？
在輿論的壓力下，官員開始口軟：申請機場升降許可、航空公司配合、派送包機接人……旅客滯留的危機急轉直下，我們的曾特首先生久末露面，保安局李局長也是身影杳然，領導們都到哪裏去了？緊急關頭，剩下一幫不知緩急輕重，不懂政治為何物的嘍囉。怪不得曾先生民望，愈走愈低。
samngx123@gmail.com

呢個政府真係越來越不知所謂, 令人越來越眼火爆. 每次有事都係推三推四, 到咗見血, 搞出人命時先慌失失咁去做D野嚟補鑊!
唔怪得有人話呢個政府D官係"唔死人唔會做野"!
佢地點先會有少少長進呢? 唔通又要幾十萬人上街? 又或者學泰國人搞佔據國際機場?

就是高興不起來

2008-11-24T12:54:00.005+08:00

有個德國人在大陸工作時拿著照相機，四處去拍熟睡的中國人。

他說：「熟睡的中國人體現出來的那種平靜、彈性和適應能力，以及他們為中國復蘇作出的貢獻，使我深深着迷」。

在看過他拍的照片中，那些以不可思議的姿勢在不可思議的地方熟睡的中國人之後，身為中華民族的一員，實在是高興不起來，更別說驕傲。

為什麼中國人可以隨隨便便地在街上的任何一個地方熟睡的呢？
累了，在車上假寐一下很多人都會，但是那幅睡相...真是不只一點的失禮...

http://www.sleepingchinese.com/

話說, 消費券

2008-11-23T14:41:00.002+08:00

面對金融海嘯的影響，各個行業，政經人士都要攪盡腦汁，想辦法要刺激經濟。
有一些人想到了要政府派"消費劵"。讓市民大眾可以有一些"多餘錢"去購物或吃喝玩樂。

坦白地說，派"消費劵"給我是沒多大作用的。因為我的"沒購買意欲"和有沒有錢沒什麼關係，是和有沒有需要有關的。別說沒有錢時不買，即使有很多錢同樣可以一丁點東西也不買。

對於一眾商人來說，幸好像我這樣的人不是太多，否則就真是"生意難做"了...

在我只想自己的事的同時，有一些人就在想著範圍比較大的事：應該派"消費劵"給李嘉誠(有錢人)嗎？
他們的意思是政府要派錢的話也不應該派給有工作能賺錢的人。從納稅人身上取得的錢應該用在所謂的"弱勢社群"身上。要納稅的人因為有賺錢的能力，所以不用給他們了。

但所謂的"弱勢社群"真的是弱嗎？

我認識的人不多，世界也不大，但就我所親身認知的一些人身上看得出真正的弱者得不到應有的幫助，而獲得資助的是那些所謂的弱者。

嫌工作時間長/辛苦/單調/薪酬不夠高/職位不夠體面等等而不工作的人是弱者嗎?但他卻可以領取綜援。更可以因為房署編排給他的公屋不是在市區，沒有房間，不夠空間給小孩在家裡面踩單車而拒絕單位，但要求房署提供租金租住近千尺的村屋。

在換腎名單"名列前茅"，每天需用幾小時做血液透析(洗腎)的長期病患者是強者嗎？但她卻因為有一個月入幾千元的丈夫而不合資格去領取援助。

如果真的因為我有一份算是高收入的工作而不給我那"消費劵"的話，我當然是會不高興(這也是一種歧視，不是嗎？)
但如果是因為要將錢去給一些真真正正的弱者或做一些對大多數人來說也是有利的事(例如改善醫療人員培訓)的話，我會很樂意的將自己的一份錢拿出來。

錢是賺得來用得去的。只要用得其所，該用就用沒話說。

我只是不要拿錢去養懶人。

ふうと然天

2008-11-20T21:20:00.007+08:00

今日、このような文を見た。
ある男子のティーシャツの上に書いたものだ。
一見して、変だって思う。
ふうと然天って何でしょか。
ずっと考えて、分かった。

天然とうふだ。

でも、どうして、このように書くの。
理由は二つあると思った。

一つは文を書いた人は日本語ができない人だ。
日本語の書く形式も知らないし、中国語は横に書くとき右から左、日本語もそうでしょうって考えながら字一つ一つコピーした。書いた文の意味はぜんぜん分からなかった。

二つはこのティーシャツをデザインした人は“クソ”をした。わざわざ変な事をして、人の目をとるためだと思っている。

世界好像變大了, 其實正在越縮越小

2008-11-14T22:46:00.001+08:00

機械癲狗愈叫愈走
(明報)11月13日星期四 05:10
【明報專訊】狗，可以係乖嘅，亦可以係「癲狗」。Sony之前推出過一隻靈巧可愛、識得遞手畀主人嘅機械狗，有玩具商反其道而行，搵咗個曾經喺美國太空總署工作嘅科學家研發新玩具，設計咗隻機械傻狗，賣點係曳！
外形似廢鐵識做逾135組動作
呢隻「傻狗阿笨」係隻「cheap狗」，設定係流浪狗，外形好似廢鐵砌成咁，但佢好有性格，識得做超過135組動作，包括好抵死咁舉高後腳小便，同時仲會發出水聲，又識扮死狗、扮貓、追烏蠅。佢有時開心，有時又會發嬲同發癲，同真狗一樣有齊七情六慾。最奇嘅係佢會失控，你撳搖控指示佢行前，佢會行右，要你諗計令佢回復正常。
AI機械人性格隨時改變
另一項新設計叫「AI智能達人」，呢款機械人獨特之處係人格分裂，識得自己同自己鬧交、傾偈，玩家仲可以上網download其他性格程式，令到機械人同你自己性格一模一樣。

題目好像跟這段新聞沒什麼關係，但試想一下，因為科技的發達幾乎什麼事也是坐在電腦前按幾下鍵盤便可以辦到。
工作，購物，獲得資訊，處理金融事務通通用電腦在網上辦妥。絕對是"足雖不出戶，仍能知天下"。
加上一隻不用到街上散步的發癲機械狗作寵物跟一個會自己和自己鬧交(應該也會和你鬧交)，人格分裂(需記得這可是病患的一種)的AI作伴。
一生只需在不足100尺的空間中度過也可以很"富足"。
因為科技發展，世界變大了嗎？
其實有很多人的世界已經只剩下用四面牆和電腦科技圍起來的一百尺。

女人不應該太瘦

2008-11-10T22:57:00.006+08:00

實在唔好意思，圖畫得好醜。
但係呢，今日放工喺地鐵站口就同時見到2個生到同呢幅咁樣嘅女人(其實，仲要加D "O"型腳)......
其中一個就係著住粉紅色，兜住個Pat咁長嘅針織衫＋黑色緊身褲。另一個係著Suit短裙。

望見佢地，第一個感覺係：女人之家做乜行路"呀"開個髀咁失禮？

跟住突然諗起以前睇過亞妮絲一本教人用衣著修飾體形問題嘅書。　
裡面講：人太瘦，會變 "O"型腳。

對腳冇真係變 "O"，但係因為太瘦，兩隻腳之間空位太多而變成"O"型腳。

今日呢2個女人望落都係有D瘦過頭。結果......佢地行得真係好核突...... +___+

B for...

2008-11-04T23:23:00.007+08:00

考慮好耐, 終於買咗一隻麥樂熊, Jan Lamb嗰隻.
考慮好耐, 係因為我間房已經有太多野, 太混亂.
考慮好耐, 係因為決定唔到買邊一隻.

原本諗住買Eason, 因為佢隻熊係綠色衫.
最後決定買Jan Lamb, 係因為佢隻熊心口有個"B"

B for bear

B for...

如果你好熟我, 你會知係咩.

簡體字? 還是別字?

2008-11-03T22:04:00.006+08:00

我說過我討厭簡體字.
因為它們斷手斷腳, 沒頭沒尾.
很沒美感. 更加是抹殺歷史(雖然有人認為我這說法是太誇張).

因為討厭, 所以我對簡體字的認識不很深.
有些時候甚至會和日語漢字混淆......

所以當星期日在快餐店, 在排前面的女士的單子上, 看到這個"名詞"時, 我真的是想了很久: 究竟這個是簡體字? 還是"懶人別字"?
這個"名詞", 就是:

雞凶

為什麼我會去偷窺別人的單子呢?
因為她拿著幾張單子, 在取食物的櫃台上不斷地寫.
好奇之下, 看了.
結果, 是嚇了一跳.

因為那女士的字比較潦草, 我第一個看懂的字, 就是個"凶"字.
在食店裡發生什麼"凶案"了嗎?

再看懂個"雞"字之後就想: "雞凶"這東西......可以吃的嗎?
再想明白她在說什麼之後, 不禁有些少站不穩......

雞胸, 雖然我不喜歡, 但我知道是能吃的(而且有人很喜歡吃).
雞凶......我不知道該說什麼......

究竟這"雞凶"是簡體字? 還是"懶人別字"呢?

源

2008-10-31T22:29:00.000+08:00

美學者：伊甸園疑是四川盆地
(明報)10月31日星期五 05:05
【明報專訊】許多年來，不少考古學家都認為伊甸園位處今天中東伊拉克境內的美索不達米亞平原。他們的主要論據是《聖經》所記載的伊甸園中的4條河。但是，美索不達米亞平原區域雖然土地肥沃，氣候卻偏乾燥，跟《聖經》所描述的伊甸園溫潤氣候不盡相同。中國《知識窗》雜誌最近便引述學者認為，四川盆地與《聖經》對伊甸園的描述更相近。
《知識窗》雜誌引述美國學者艾博義指出，四川盆地四周都為高峻的山脈所環繞，盆地中央的成都平原，沃野千里，江河貫穿。就氣候而言，四川盆地在數萬年前便呈現出一片伊甸園風光。這裏有亞熱帶氣候，一年四季雨量充沛，溫潤潮濕，特別適合多類果樹及其他植物生長。因此它不僅是人類的樂園，也是動物在冰河時期的避難所。提出這個理論的艾博義為一猶太裔基督徒，現居住於美國。他曾先後多次來過中國講授聖經，對神學和預言都有相當深入的研究。
氣候溫和亞當夏娃毋須穿衣蔽體
艾博義表示，四川盆地的最後形成，正是在冰河時期。那裏猶如冰河時期的一隻巨大保溫盆，氣候溫和濕潤。當人類的始祖亞當、夏娃在這裏生活時，完全用不着穿衣蔽體。舉世聞名的都江堰導岷江之水縱橫灌溉着四川盆地，這與《聖經》（成書時間應在中國的秦代以後）中說的「有一條河由伊甸流出灌溉樂園，由那裏分為四支」也是一致的。再者，伊甸二字，在英文中也有「天國」的意思，而四川盆地自古就有天府之國的稱謂。

曾經睇過一本書(仲收喺書櫃, 轉個身就攞返出嚟做reference ^~^), 叫"三星堆文化大猜想．中華民族與古猶太人血緣關係的破解 - 蘇三/著中國社會科學出版社".
呢本書東拉西扯咁將世界各地嘅古老文化同四川嘅三星堆拉埋一齊. 第一章就講古蜀人同閃族猶太人嘅關係.
不過呢個作者唔係話四川係伊甸園, 佢話古蜀人其實係由美索不達米亞移民嚟嘅大衛十二支系之一.
蘇女士嘅論據有好多, 其中我覺得最有趣嘅係:
1, 四川嘅少數民族, 樣貌不似亞洲人比較似中東人
2, 以"杖"作為權力的表現. 中國人係用"鼎"嘅
3, 閃族人有"智慧之樹"和"生命之樹", 三星堆有"太陽鳥樹/青銅神樹".

當然, 艾博義同蘇三嘅推論都仲係"冇根"嘅, 只有一D佢地覺得係, 但"正統派"考古學家絕對唔會理會同正視嘅旁枝"證據". 但係四川好可能真係一個文化發源之地, 最起碼, 好可能係中華文化嘅發源之地.

中國正統派考古學家之一嘅肖平先生(我估佢係個先生...)寫咗本書, 叫"古蜀文明與三星堆文化 /四川人民出版社". 呢本書其中一個章節講"炎黃子孫".
中國人都叫自己"炎黃子孫", 因為中華民族最老嘅老祖宗, 就係炎黃二帝.
一直以來教科書都講, 黃河流域係中華文化嘅搖籃. 之後又會講長江流域對中華文化發展嘅影響. 從來都唔會提一提四川.
但係, 原來"史記"裡面嘅記載講, 黃帝嘅老婆大人嫘祖係個四川人. 佢地個仔娶嘅老婆亦係四川人. 治水英雄大禹嘅老婆都係四川人, 佢治嘅水係四川嘅洪水.
中國歷史裡面最古老嘅事都係喺四川發生, 所以話: "四川先係中華文化發源地", 可能係冇錯嘅.

充滿娛樂性

2008-10-27T21:36:00.006+08:00

NLC嘅club member個個都好開心, 皆因大家都曾經喺一間非常充滿娛樂性嘅公司做過. 笑話聽得多, 自然就會笑得多.

離開咗呢間令人禁好笑嘅公司年幾, 估唔到, 今日佢依然令我笑唔停.

話說, 我老細Mr.M(舊公司時佢都係我老細)喺舊公司時用高級職員福利, 經公司開咗個長途電話account. 走人之前同人事行政部Ms.A講, 叫佢cut咗個acc去. Ms.A好順口咁答咗之後...

一眨眼, 就快兩年之後嘅今日, 舊公司有人打電話搵Mr.M, 話要收返佢呢2年來嘅長途電話費.

哈哈!

由Mr.M走人到依家, 電話費單冇24張都有20張啦!
十幾廿人嘅燴計部竟然冇人發現找多咗條"來歷不明"嘅單十幾廿期. 仲好意思講出口!

真係諗起都會笑!

這樣竟然也是自然保護區管理局長

2008-10-26T01:32:00.005+08:00

重慶雜交小豬長斑馬紋 (明報)10月23日星期四 11:05

重慶大巴山自然保護區出現四十多隻長了斑馬紋的小豬。專家說，相信是野豬和家豬雜交造成。「重慶晚報」報道，這群小豬黃黑相間，淺黑毛色夾雜著黃褐色豎條紋，猛一看像是松鼠或老鼠，「但牠們確實是豬。只不過牠們的爸爸是野豬，媽媽是家豬。」大巴山自然保護區管理局長蔡吉祥由於大巴山的野豬成長快速，於捉了一些回家餵養，後來數量增加到四十多隻，就索性開辦了野豬養殖場。今年上半年，蔡吉祥的養殖場展開科學研究，讓家豬和野豬雜交。

九月中旬，第一胎雜交豬順利分娩，剛生下來肉嘟嘟的小豬身上條紋並不明顯。但一個多月後，小豬身上的條紋越來越粗，像斑馬一樣。重慶市自然博物館動物專家胥執清表示，這批小豬長大後，條紋又會消失，變成普通的淺黑色。他說，家豬和野豬都有某種毛色隱性基因，兩者近親「結婚」碰到一起後，隱性基因顯現出來，就出現條紋。這種雜交豬，仍然應該叫野豬。 (中央社)

你會覺得, 一個自然保護區的管理局局長應該在保護區裡做什麼呢?

不是應該保護當地本身的物種嗎? 對保護區的管理也是為了讓原生生物的生存環境可以不受破壞和影響的生活下去吧.

但看這個蔡局長幹的是什麼?

"由於大巴山的野豬成長快速，於捉了一些回家餵養，後來數量增加到四十多隻，就索性開辦了野豬養殖場。今年上半年，蔡吉祥的養殖場展開科學研究，讓家豬和野豬雜交。 "

這是什麼保護工作? 說是"科學研究", 為的還不是讓快大的野豬馴一點, 易養一點, 好快些拿到市場賣!

真混帳!

就是覺得很可悲

2008-10-20T13:07:00.001+08:00

北京大型工程破壞地下文物
(明報)10月20日星期一 12:30
在大型工程頻頻施工下，北京市的地下文物遭到毀滅性破壞。
中通社引述北京市政協委員、北京市文物研究所所長宋大川說，北京地鐵四號線圓明園站施工前未進行文物保護，施工單位將鋪路石條拆除，使大量清代御道建設的訊息喪失，僅剩三合土的路面。
北京西站南廣場地下停車場工程曾發現古墓，古墓主人是萬曆皇帝生母李太后之兄、明榮祿大夫中軍都督府左都督李文貴。部分出土文物不知去向。
此外，北京首都機場三號航站樓和停車樓施工時發現石碑，施工單位未讓當地文物和公安部門進行調查和保護，而這地區正是明清兩代王公、貴族墓葬的集中區。
北京南站穿越金中都的東南角城牆，歷年為遼墓葬集中發現區域。施工未進行地下文物保護工作。
西直門交通樞紐、東直門交通樞紐、城市軌道交通中轉站、終點站等都未進行勘探、發掘。
報道描述，當宋大川在現場制止時，建設單位某個負責人說「我姓橫，橫豎不講理的橫」。
宋大川表示，文物是不可再生的，破壞了就再也沒有了。這是毀滅性的破壞。
宋大川說，「我的提案已經連續三年是主席督辦案，這是莫大的光榮。但從提案的落實上來看，又是莫大的無奈」。
北京的地上文物基本都是距今六百多年以來的文物，屬元、明、清時期。地下文物不僅有北京建都八百五十年的歷史，還有建城三千年、甚至是人類文明史五十萬年前的北京猿人。例如，王府井東方廣場的舊石器時期的遺存，內容豐富，是地上文物無法媲美的。
宋大川表示，若論地上文物保護，北京是全中國最好的。但北京的地下文物保護狀況令人擔憂，還需要進一步努力。(中通社)

我雖然記性不好, 但就喜歡歷史, 尤其是中古至遠古史. 因為覺得人類的歷史裡充滿了有趣的事(即使是政治陰謀, 也是很有趣的)而且也充滿了神秘感.

看著從遺跡中挖掘出土的文物文獻, 推測當時的狀況, 可說是我最喜歡的活動之一. 所以我很喜歡看古文物展. 旅行也選有"古老東西"的地方去.

所以, 當我讀到這篇新聞時覺得好傷心.

擁有豐富歷史遺產的北京, 竟然因為要趕發展, 而胡亂將歷史遺跡文物肆意破壞.(說真的, 我覺得中國人現在的經濟發展, 只是為了向外界展示自己的"強大"而不惜破壞一切不能復還的資源, 說穿了這種要"展示強大"的心理也不過是因為自卑...)

歷經千百年留存下來的東西就這樣毀於一旦.
而最可悲的, 是很多人也覺得這不算什麼一回事.

絲蘿非獨生, 願托喬木

2008-10-19T20:51:00.003+08:00

李靖一開門, 門外嘅美貌紅衣女子就對佢講出呢句話: "絲蘿非獨生, 願托喬木."

可能已經冇乜人記得, 十幾廿年前無線播過一套叫"大運河"嘅時代劇. 係一個隋末群雄並起嘅故事.

其實我對呢套電視劇都冇幾多記憶, 只係成日都會記起呢一句對白.

當時教中文嘅MISS講, 紅拂女係一個非常前衛同時亦好含蓄嘅女性. 因為一個古代女性, 主動走去同男人私奔(仲要係"因為我鍾意你, 所以我要跟你走"!!), 點睇點計, 都係好前衛. 至於佢嘅含蓄之處, 就在呢句"絲蘿非獨生, 願托喬木."

"絲蘿"亦即係"菟絲子/ Dodder". 菟絲子科一年生寄生草本植物. 有小白花, 繞生在喬木樹幹上靠從喬木吸取樹液為生.

"絲蘿"無法獨自生存, 必需依靠喬木.

紅拂女用此比諭自己係一個柔弱女子, 需要托付李靖這樣穩重有用嘅男人. 係含蓄, 因為唔係畫公仔畫出腸, 講到明明白白:"我依家搵你同我私奔呀~!" 假若李靖係個"大懞佬"就唔明原來呢個才識兼備嘅美女嘅真心意.

不過, 呢D都只係古代先可以有嘅風雅.

現代社會, 一個女子, 莫說真係才識兼備, 不屑做"絲蘿", 就算本質係"絲蘿"都不可不扮喬木. "公一份婆一份"已經係好幸福囉!

再到東歐餐廳

2008-10-19T01:28:00.003+08:00

今次去係NLC的每月聚會.
因為人數都算多(有13個人), 所以夠膽叫"原隻火焰乳豬焗飯"<--唔記得個真名係乜lu (要早一日book定)
今次又係食得好開心,玩得好開心!

Thank you BIG BEAR!

2008-10-19T01:04:00.003+08:00

朋友大熊人早排"回鄉探親"一轉.

我因為細佬好鍾意佢鄉下嘅袋熊. 於是"搭"佢買了一隻袋熊毛公仔.

可能因為我講得唔清唔楚, 所以大熊人以為係我自己要, 所以點都唔肯收$$.

話: 我都唔記得買咗幾多$$.

由"搭"買野變咗"討禮物", 真係唔好意思... ^_^;

所以:

多謝你呀~! 大熊人~~!

大嗰隻係大熊人送嘅. 細嗰隻係另一個朋友幾年前送嘅.

隔岸觀火

2008-10-18T14:43:00.003+08:00

九龍灣地盤三級火無人傷
(星島)10月18日星期六 13:58
九龍灣一個建築地盤發生三級火警，目前仍在撲救。初步消息指，火警中無人受傷。現場是九龍灣啟福道宏天廣場對出一個建築地盤，下午1時13分發生火警，並於下午1時26分升為三級，消防目前仍在現場撲救。火場冒出大量濃煙，在遠處都見到。

的確是在遠處都見到. 因為我在家裡也看到. 名副其實的隔岸觀火.

你可以說我"事後孔明", "馬後砲". 但這樣的話, 你也承認我是個專家及政治家

2008-10-10T23:52:00.005+08:00

"民主黨人好令我失望
口口聲聲講民主講法治
尊重法治精神就要全盤接受佢既好同不足
佢地知道好多冇得打就用政治壓力"

這是我從某個討論區中複下來的句子.

早在幾年之前, 我已對家人說過(因為我身邊家人以外的人, 如非不談(OR少談)政治, 就是民主教的信徒, 為免爭拗, 所以見面都只談風月), 民主黨其實是最不民主的.

為什麼我會有這樣的結論?
因為他們有個高層, 曾經在電視上說過"只有民主黨先至係真民主, 其他人嘅都係假民主!" (還記得當年就"真假民主"這題目作過多少討論和意氣之爭嗎?).
一個黨高層講的說話, 而且係公開發言, 就係代表一黨的身份去講. 而這個高層所講的這句話就是將自己放在"最正統"且"高高在上"的位置, 其他人的意見, 因為是"假"的, 所以可以不理.

還有, 著重於正統, 要高高在上的, 要說嘛, 就是極權/世襲統治的國家/機構.

再說, 我一直覺得"民主"是需要高度理性的. 因為沒有理性的"民主"社會只等於無政府的暴民社會.
只可惜, 我從民主黨身上沒多少次看得到理性. (也很可惜, 香港也正走在邁向"無理性民主暴民社會"之途)

"因為我們是反對黨, 所以必定要反對." 這又是另一個高層在電視上說的話.
為反對而反對, 不需要理會事件的內容/性質. 總之就是反對. 因為這是"反對黨"的職責.

對我來說, 這不單是沒理性, 而是連腦也沒用過. 枉他們還是律師/醫生之類的有知識專業人士.

又再說, 民主除了高叫口號和上街遊行之外, 還得對社會有所承擔. 因為"做決擇, 為這決擇而付出, 而且不管是好是壞也承擔得出的結果"就是(最起碼我是這樣認為)為了體現民主而需做的事.

當然, "對社會有承擔"也是他們的口號之一, 但某高層在一次議會選舉失敗時所說的話, 令我對他們對"承擔"這詞有多少理解打了個非常大的問號.
他說: 我們今次選舉的失敗, 是因為選民不出來投票給我們. 只要他們出來投票, 我們應該是贏的.

這就是他們的"承擔".

在發生這麼多事之後, 我說: 最不民主的, 其實就是在高叫民主的政黨.
所以你可以說我"事後孔明", "馬後砲" 甚至"胡說八道". 但這樣的話, 你也承認我是個專家及政治家.
呀! 不對! 因為到現在仍有很多人相信他們真的是在"為人民服務"而不是為了增加政治本錢而令社會產生更多怨氣.
記得有個學者說過嗎? 香港民怨不高就沒人投票.

既然還未有什麼政治事件發生, 導致有人說"被政黨朦騙". 那麼我還不是"事後孔明", "馬後砲", 所以也更不是專家及政治家.

P.S. 我不喜歡民主黨, 也不喜歡民建聯. 沒有替任何政黨講話. 只是有話, 不吐不快!

其實, 我覺得自己唔係好蠢. 但係, 我有好多野唔明 - (三)

2008-10-10T21:51:00.005+08:00

我唔明,
點解有D人可以將應該閂埋睡房門先做嘅野, 擺出嚟喺公眾場所做.

早兩日去一間時時會去嘅麵店食晏. 因為唔貴又好味, LUNCH時間會迫滿人.
一坐低, 視線正前方有一對男女坐咗喺對街窗嘅"卡位". 我望到嘅係佢地嘅側面, 女嘅近我果邊.
坐定, 望到個男嘅隻右手放咗喺個女嘅右邊"格拉底"再落少少, 搓吓搓吓... O_O
個男嘅可能見到我俾佢嘅行為嚇到眼都凸埋, 所以將隻手放咗去"櫈PAN". 不過冇幾耐, 又搓吓搓吓...

幾年前, 有一次去行一個"細舖仔商場". 前面有對40零歲嘅男女.
一路行, 個男人隻手就一直都喺個女人條褲嘅入面(唔係後褲袋嘅入面, 佢隻手係由褲頭插入去, 仲連個女人件衫都整起埋), 郁來郁去...

究竟係我守舊? 定係佢地有"表演慾"? 還是佢地真係咁"情難禁"?

其實, 我覺得自己唔係好蠢. 但係, 我有好多野唔明 - (二)

2008-10-07T00:47:00.003+08:00

我唔明,
點解有人會將自己嘅underwear擺出嚟俾人睇.

Bar top, 係將內衣"外衣化", 唔算得係真正嘅underwear.
將底褲當面褲著而唔會有問題嘅, 只有超人同蝙蝠俠.

但係唔攞嚟當面褲著唔等如"冇俾人睇".
早幾日返屋企時, 行我前面個女人, 真係令我"眼都凸埋"!

佢身著:
近期流行(但係我自己就完全接受唔到)嘅果D比絲襪厚DD, 其實同厚襪褲差不多果D緊身褲,
半透明白色+白色點點.
外面著一條米黃色嘅薄紗"大肚裙".

半透明白色 + 米黃色嘅薄紗 = 見到一個"淺"綠色嘅倒轉三角形!!

OMG!!
老實講, 我覺得佢嘅"破壞力"比將底褲當面褲著更大...
究竟佢係一時失手丫? 定係特意配襯嘅呢?
真係好想問吓佢...

Concierge (コンシェルジュ)

2008-10-06T23:43:00.005+08:00

Concierge (コンシェルジュ)係一本免費嘅"日本人的香港雜誌 - 月刊".
呢個名, 對我嚟講, 從來都係"難發音字"之一. 朋友話呢個字係法文, 於是今日就拎咗返公司, 問一問亞法國人老細.

佢話呢個係一個老字. 雖然查字典嘅結果(佢好認真咁去查official meaning!!)係door keeper/ care taker. 但係佢話其實係以前D舊式嘅出租樓, 業主出錢請一家人負責打掃, 收租. 而呢家人又住喺果度. 就係一種咁嘅職業嘅名稱.

諗諗吓. Concierge咪就係日本アパートの管理人さん! 音無響子さん! (哈哈! 好老嘅漫畫, 但係上年喺日本summer course 時竟然係用佢嚟做教材!!)

今期Concierge Card (コンシェルジュカード)非常爆笑! 逐行睇! ( )入面係(英文拼音)

すごく気持ちいい！　ホウ．シュー．フォッ (Hou Syu Fo)
すごく痛い！　ホウ．トゥン　(Hou Ton)
体のどこが悪いですか？　ビン．ドウ．ン．シュー．フォッ (Bin Dou Ng Syu Fo)
OOを中心にお願いします。　リン．ドー．ディ．OO (Lin Do Di OO)
そこ　ゴー．ドウ　(Go Dou)
肩　ボォッ．タオ　(Bo Tao)
腰　イユ　（Iyu)
ふくらはぎ　シウ．トォイ　(Siu Toi)

就係教日本人喺香港按摩時點樣用廣東話講自己想點.
試吓丫! 真係會好好笑架!
我同幾個同學尋晚係商場大堂試咗喇.
仲笑到俾人"啤"TIM!

終於買喇!

2008-10-06T23:27:00.003+08:00

安室糯米飯嘅精選碟!

幾千年冇去唱片舖, 尋日因為約咗朋友食飯, 早到咗(橫風橫黃色暴雨!!)於是去唱片舖打個轉. 就買咗佢喇.
成世人第一次買佢嘅碟, 從來都係攞細佬果D嚟聽...

聽完之後, 都係覺得中慢板嘅歌好聽D.
快果D(係咪叫R&B??), 追唔切歌詞, 聽到好攰... +__+;

除咗本身已經鍾意咗好耐嘅"Wishing On The Same Star"同"So Crazy(呢隻算唔算R&B??)"之外, 都幾鍾意"All For You"同"Baby Don't Cry". "White Light"都唔錯.

其實, 我覺得自己唔係好蠢. 但係, 我有好多野唔明 - (一)

2008-10-03T21:39:00.002+08:00

我唔明,
點解有D公司可以俾D女職員著幼吊帶背心, 熱褲, 打出半個屁股嘅牛仔褲, 比"剛剛遮得住屁股"長少少嘅鬆身裙返工...

雖然, 我都會有著幼吊帶背心嘅時候, 但係唔係返公司.
唔著熱褲, "露屎坑褲"同短裙係因為費事影響市容.

但係我就係諗極都唔明.
就算你幾咁"天生麗質", 都唔應該著成咁返工.

著住幼吊帶背心, 坐低做野, 有男同事搵你講野時, 都唔知望唔望住你好.
唔望你, 又話人地唔尊重, 冇禮貌.
望你, 又會話人地"目及"你本身已經拋晒出嚟嘅北半球, 話人濺格.

著熱褲, "露屎坑褲"同短裙, 其實都差唔多.
一唔覺意就會走光. 而後又話人"目及"你...

平時返放工都好多時候見到呢D"白領儷人".
好在我公司冇.
如果唔係, 我好可能忍唔住,
問佢:
點解?

getting hands dirty

2008-09-18T20:53:00.003+08:00

今日睇到一份招聘資料.
個顧主要求求職者要 "do not mind getting their hands dirty".
作為一個製造業嘅人, 當然明白佢指嘅其實係要"落line", "埋機"搞到對手滿晒油漆, 機油, 金屬碎屑之類嘅dirty hands.
但係我睇到呢個句子嘅時候, 1st image竟然係"嗱咋招/駛橫手", 唔見得光嘅非法勾當...

點解會咁?

可能我睇太多關於"戰爭/政治/陰謀"嘅網上小說.
"大人物"因為唔想"make their hands dirty", 所以就會搵手下或者外援幫佢地做晒佢地要做嘅殺人放火之類嘅非法勾當.

重複次數太多, 所以"dirty hands"對於我嚟講已經等同咗"做唔見得光嘅事"...

不過好在, 似我咁嘅人應該唔多. 如果唔係D人見到呢份工(其實好似見過有第二D工都有咁寫...)嘅聘用要求, 好可能會將D資料send去老廉. 哈!

身價幾百萬的!

2008-09-11T22:05:00.003+08:00

驟眼睇, 係咪有D似...

身價值幾百萬嘅...

國蘭...

其實佢叫...

"彭丹"...

老爸近期最威水!

2008-09-08T20:17:00.002+08:00

石斑魚! 亞媽話值幾百蚊!!

改變了的選舉口號

2008-09-07T22:02:00.002+08:00

今天是選舉日.
我當然有去投票.

數個月以來不斷聽到的(這幾個星期尤其多)政府宣傳口號, 從第一次聽到已經覺得怪怪的. 但是那兒怪了又說不上來.

今天, 突然間終於知道了.

原來政府一直沿用多年的"投票選賢能"改成了"投票選代表".

這改變表明了什麼呢?
就是, 你所投的一票所選出來的人, 不一定賢, 也不一定能(我不敢說他們都是不賢能). 但儘管他們並不賢能, 他們還是應該能代表你的.

那又說明了什麼呢?
就是, 只要聲稱是代表他們的選民, 有多不用腦的提議, 多不理性的叫囂, 意氣用事, 互相指罵, 都是理所當然的. 正當的.

且看上一屆的議員, 有幾多個聲稱自己是政治家, 卻只是會潑婦罵街? 有幾多個只是因為要反對而盲目反對, 從沒想過什麼才是對社會最好的方案? 有幾多個只會叫罵被趕出議事堂? 有幾多個本該出席的會議也沒從沒有出席過? 又有幾多個是真真正正以自己的良知, 智慧和能力在為選他的人在做事的呢?

從來煽情的叫囂都能博得不少人的支持(看那些煽情橋段的電視劇, 誇張失實的雜誌有多少擁躉就知道了).
越大聲叫罵讓越多人知道你的存在, 你便能"代表"越多的人.

真的是很希望所有人都想一想, 越大聲的人做的事是否就越對呢?
如果是的話, 我必定是一個不會錯的人. (雖然是多年前的了, 但科學館的分貝機測試, 我可是比民航機升降還大聲!)
如果這種盲目大聲叫罵, 互相挖苦就是好議員的想法繼續下去, 香港的議會也只有越來越台灣化(對不起啊Li Lin San). 議員開會時只會"初則口角, 繼而動武". 什麼對社會有益的東西也做不出來.
到時別說亞爺不救你. 那時候將會是亞爺想救你也救不來. 因為我們已經自我放棄得無藥可救了.

不想死, 就吵鬧少一點, 腦用多一點.
能讓市民生活過得好(最起碼是有機會去爭取過得更好)的人, 不用叫罵, 支持你和選擇你的人可是要多少有多少.

政府不想民望插水, 就要立即回水

2008-09-07T14:06:00.003+08:00

這句是今天看見貼在一架旅遊巴士上, 由"準來港婦女關注組"發出的單張.

看見這些將旅遊巴車窗貼得滿滿的紙張, 我除了"不知羞恥" ,"不知廉恥"和"聒不知恥"這三句"不知恥"的說話外, 完全想不到其他的說話來.

什麼是"回水"?
"回水"就是在付款之後得不到應有的服務或產品貨不對辦, 所以要求退款.

而"準"又是什麼呢?
就是"準備"的意思. "準來港婦女"亦即是仍然在大陸, 還未來到香港, 只是準備來的婦女.

人還未到, 什麼也沒有付出過, 竟然在要求退款? 這除了不知恥還是什麼?

就是這些不知恥的人太多, 令人覺得所謂的"弱勢社群"只不過是騙飯吃之餘還聲大夾惡的混蛋. 讓真正有需要被幫助的人也受到歧視. 更得不到應有的幫助.

說真的. 在香港長大的我們這一代人, 到底有幾多個是沒有在課餘幫補家計的? (我的上司甚至說, 因為我爸是個職業司機, 所以我小時候能與我爸相處的時候應該和"沒有"是沒分別的!) 有幾多個的校服不是盡量做大/長一點, 可以穿多幾年?

為什麼這麼多人都能捱得過, 這一群所謂的"弱勢社群"就不能呢?
由政黨帶領, 帶著小孩上街叫囂要這要那的行為更是可恥到極點之餘, 還遺害下一代. 因為他們的"以身作則"就是不需努力學習和工作, 只需間中上街叫囂, 錢便會滾滾的來.

這個社會開始扭曲, 希望新一屆的, 真的能用多點腦去思考, 什麼才是有利社會發展的.

希望明天真的會更好.

それでも、ボクはやってない(儘管如此, 我沒做過)

2008-09-06T23:35:00.004+08:00

今天和日文班的同學去了看這套戲.
144分鐘全無特技, 沒有槍戰, 沒有爆炸, 但完全不會覺悶的一套戲.
(當然, 只要是日文電影我們便不會有"悶"的時間. 因為一邊嚐試不看字幕, 只是聽, 但又想要理解戲情. 又要想聽到的對白(單字/文形)有沒有學過...腦袋好忙)
但這套戲是儘管你不像我們忙著為自己做翻譯也不會悶的戲.
戲的內容說來簡單, 但那種張力卻是可以將你緊捉不放.

在看這套戲前對日本的司法制度可說是一無所知(本地的司法制度也不十分清楚, 還說其他地方的?). 更加沒可能知道, 原來在日本, 痴漢(在電車上非禮女性的男人)只要認罪, 繳罰款便可了事! 戲裡有句對白是說: 就像交通罰款一樣.

在戲裡, 警察, 檢察官, 法官為了高判罪率(即成功將罪犯歸案)竟然是會按自己喜歡的寫口供, 只提出對被告不利的證物和只聽自己想聽的陳詞! 結果就是無辜者被入罪.

不清楚日本司法內情的我, 當然是想這只是戲劇的橋段(因為一個先進國家, 竟有這樣有法律等如沒法律, 清白的市民不會被法律保護的情況, 就是覺得那是不應該存在的).
但是, 這樣的情況如果是虛構捏造的話, 警察廳和司法部總不會默不作聲吧! 因為就是有這樣的事情(有可能還是很普遍), 所以不能出聲反抗.

這麼說來, 生於香港還是一種福份. 最起碼的是香港有陪審團制度, 嫌疑人(不管是否真正清白無辜)的命運不會只放在法官的手上. 而且香港的法官也不會看著"判罪率"做事.

相較起來, 我們是很幸福的.

可愛的鄰居

2008-09-06T23:19:00.005+08:00

與這家人不是真的住很近, 有大約5~6分鐘的步行距離.

第一次見到時是掛了很多鈴鐺.

今天是七彩繽紛的氣球.

老亞伯用了好多時間和心機在布置(我和亞媽在對面的食肆食飯, 半個多小時, 見他不斷的, 在綁氣球)

亞媽看著還說:早知會遇到這樣的人, 搬家時就不把那幾包氣球丟了, 送給他, 他應該也會喜歡吧?

到底滑稽是什麼?

2008-09-02T10:18:00.004+08:00

嗅吻紙巾被指意識不良 Tempo廣告接81投訴
(明報)9月2日星期二 05:10
【明報專訊】廣播事務管理局今年7月共處理了92宗個案，涉及301宗投訴。其中，以Tempo紙巾的廣告收到最多投訴，達81宗，主要指男子取去女子用過的紙巾來嗅和親吻，意識不良。
「豈有此理」寬頻廣告接44投訴
另一個香港寬頻「豈有此理」廣告，亦收到44宗投訴，指廣告有關用語及手勢對兒童有不良影響，不過廣管局認為，觀眾一般不會認真看待該等滑稽和誇張的描繪，故認為針對該兩個廣告的投訴理據不足。
另外，有6宗投訴個案因準確性有誤，被裁定輕微違規。

"廣管局認為，觀眾一般不會認真看待該等滑稽和誇張的描繪"

那不是滑稽, 也不是誇張.
那是明顯的戀物癖的表現. (當然我是在說Tempo的廣告.)

在廣告裡面, 那男子拿著的是女子用過的紙巾, 就好似只是滑稽和誇張.
那麼, 如果男子拿著的是女子穿過的內衣褲呢?
沒有人會說那樣的行動是滑稽和誇張吧!

別說是不同的東西, 行為其實是一樣的.

認真的說, 我不是專家, 只是好死不死喜歡看"FBI調查報告"之類的書.

其中一本有講到戀物癖(那本是美國性罪犯調查報告).
當中指戀物癖的患者所戀的"物", 人人不同. 有可能是女性穿過的內衣褲, 有可能是衣服, 飾物, 亦有可能是手, 腳之類人身體的一部份. 根本是什麼東西也可以戀, 儘管只是一張紙巾亦一樣.

書裡有一個犯人因為他"戀"的是人身體的一部份(忘記了是乳房還是小腿), 所以他不斷殺人, 為的就是要收集他所"戀"的"物"好滿足慾望(他根本沒有把人當人看待).

你絕對可以說我小題大作+論據牽強. 但不要忘記, 外國有過真實的案例也是不爭的事實.

不要以為沒有在眼前發生過, 就從沒出現過. 認為只是"滑稽和誇張".

其實我唔明

2008-08-23T19:14:00.002+08:00

其實我好唔明依家D人係點諗嘅.

今日同亞媽一齊去超級市場買野. 排隊俾錢時, 排我前面再前面嘅一個男人捧住一棟月餅去俾錢. 又話要用禮券, 又話要餅舖嘅袋(去超級市場買冇餅舖嘅袋, 要餅舖嘅袋就要去餅舖買), 搞咗一大輪, 跟住話唔要, 放低D月餅就走咗.

幾分鐘後, 排我前面個人搞掂走人時, 果個男人又走返轉頭話要買返D月餅.
個收銀員又好理所當然咁去攞果棟之前放埋咗一邊嘅月餅出嚟.

嬲嬲地,

於是我同果個男人講: 唔好意思, 你係咪應該重新排隊呢?

點知個男人冇出聲而係個收銀員講: 佢頭先排咗.

由嬲嬲地變成火火地, , 有冇搞錯呀!

我對住個收銀講: 佢頭先排過隊, 但係佢頭先亦都話咗唔要, 走咗. 既然係唔要走咗, 想要再買就應該重新排隊.

果個收銀仲要好似係我唔啱咁同果個男人講: 唔好意思呀, 你等等佢(即係我)啦, 佢幾件野, 好快嘅啫.

我走嘅時候個收銀就即刻幫果個男人買月餅, 排我後面D人又冇出聲, 好似應該嘅咁!

唔通只有我覺得咁係有問題嘅?

你試吓去書展, 買紀念鈔, 金牌選手表演飛甚至去板前,板長食壽司, 放棄唔要之後講聲"我之前排咗!" 你估有冇人肯俾你唔駛重新排過丫嗱!

都唔知依家D人個腦放乜嘅!

搞到我好鬼嬲!

月偏蝕前的月光

2008-08-17T00:34:00.001+08:00

稍微做咗D手腳

試另一種"手腳".

三號風球

2008-08-07T01:14:00.004+08:00

睇唔出, 呢D係雨,

更加睇唔出,

3號波嘅依家, 風雨仲大過8號波嗰時.

好媽媽

2008-07-31T23:31:00.004+08:00

今日喺大M奴食Lunch.
有一對母女坐喺隔鄰枱.
個亞媽食飯不忘學習. 突然問個女, 大M奴的宣傳句子"I'm loving it!"中文應該點譯.
個女答: 我就喜歡!(大M奴嘅標準翻譯)
然後,
個亞媽就作出咗以下一段嘅語文教授(大概啦, 邊有可能每粒字記得晒!):

咁就係唔啱啦. I'm loving it"有"ing"係現在進行式. 即係"我現在鍾意緊."
"我就喜歡"係將來式. 即係我依家都仲未鍾意. 遲D就會喇.
"就"字喺中文度係將來式.
"就去"即係去咗未丫? 係未去, 遲D先去.
D人中文真係差! 譯成咁都攞得出嚟.
記住呀個"就"未係將來式嚟架!

呢段中文教學聽到我忍唔住係咁擰頭. 幾乎衝口而出同個亞媽講: 唔好教壞個女啦. 師奶.
好媽媽, 你熱心教個女係好, 但係你忘記咗"就快"係只有香港人同熟悉"港式中文"嘅人至識用.
最常用同正確嘅"就"係"就是/ 就係"嘅意思. 並唔係D咩野"將來式". (當然仲有好多其他嘅配搭同用法)
所以, "我就喜歡!" 係: 我就係鍾意!

好媽媽, 如果你個女聽咗你嘅教導之後, 返學校同佢嘅中文教師講, "就"係將來式. 睇怕亞老師都會當堂hang機...

對處女的執著

2008-07-30T01:42:00.004+08:00

無論翻開中外歷史, 不難找到的是, 不管哪個民族, 對"處女"都抱持著一些執著.
但對"處女"有最奇怪的執著的, 恐怕是社會風氣越來越開放的現在的香港.
為什麼是"最奇怪的執著"?
因為別的地方, 對"處女"的執著通常只會用在人的身上.
但在香港, 這種執著卻是用在食物之上的.
例如:
吃雞, 要吃"處女雞", 即從未下過蛋的"雞行".
吃鴿, 要吃"處女鴿", 即連眼都未開的乳鴿.
連吃三文魚, 也要吃"處女三文魚"!!

當前天我從巴士的上層往下望見放在"鵝頸橋"下, 某食肆的宣傳"易拉海報"時, 幾乎兩眼反白...

"處女三文魚"!!!

如果以"有冇進行過性行為"來劃分是否"處女"的話. 所有市場上在賣的三文魚都是"處女".
因為三文魚在河流上游出生, 逐漸長大, 游出大海.
2年後, "長大成人"了, 便會游回出生的河流生產下一代(這也能算是"性行為"吧...). 然後因為已將體內所有能量都消耗盡而在河的源頭等死.

在市場上賣的三文魚都是在海中捕捉, 而不是在河流上游撿的死屍. 生產過的"非處女"三文魚也根本不能吃(最起碼對人來說是如此).

雖然不知道有多少人慕名而去, 但以"處女三文魚"作招徠而又真的有人相信的話. 如果不想說那些人沒常識的話, 唯有是說他們對"處女"有不尋常的執著了...

今天. 灰黃天

2008-07-29T00:40:00.003+08:00

因為台灣打風.

因為高壓脊影響.

因為懸浮粒子積聚.

因為好多好多不同的因素.

加在一起的結果.

就是又悶又焗的高溫和灰黃色的天空.

唔好執輸

2008-07-18T21:47:00.006+08:00

香港人做野, 成日都係一窩蜂. 其實証監會話係"羊生羊太"都真係冇錯.
好多時都係"人做我又做, 唔知係為乜, 最緊要係唔好執輸!"

就好似早幾日銀行出"紀念鈔", 搞到人人都去瞓街瞓幾日. 雷暴雨之下都去瞓街嘅, 可能買到貨數少D嘅嗰D. 遲瞓街少少嗰D, 可能都只係得返"廿蚊"嗰種俾佢買.

1日之後, 熱烈氣氛已經完全消散. 亞爸今日去到銀行搞D例行公事. 有個銀行職員走過嚟, 問: 先生, 你係咪買紀念鈔呀? 嗰邊丫. 唔駛排隊.

因為唔駛排隊瞓街, 亞媽之前又話過想要, 於是, 亞爸就買咗兩張廿蚊返來.

以時序嚟計, 亞爸係慢咗. 但係以付出嘅程度嚟計, 瞓完街又只係買得廿蚊嘅人就付出咗好多.

呢個"輸"究竟係邊個"執"咗呢?

迷幻咩直

2008-07-18T21:10:00.004+08:00

今日放工搭緊巴士返屋企.
突然發現天空出現十分之妖靘嘅"桃紅色咩直(Magic, D影相人用嚟形容好靚嘅日出日落時用嘅字)"
因為係傻瓜機, 再加上係喺架行緊嘅巴士上面,
所以,
影出嚟嘅咩直, 非常之迷幻...

錯覺...

2008-07-14T21:47:00.004+08:00

呢個係某金飾店嘅廣告, 話: 愛 . 迷人 My Dear
我驟眼望, 竟然見到一對"孖葉"!!

幾乎嘔血!

2008-07-14T00:19:00.005+08:00

“中國印”大型摩崖石刻。（來源：北京晚報）

呢一個, 就係為咗紀念中國舉辦奧運而整嘅"中國印"大型摩崖石刻.
喺電視新聞第一眼睇到佢時, 真係令我頭暈目眩, 呼吸困難.

雖然呢個山唔算得係"鬱鬱蒼蒼". 但係都唔可以夾硬幫人開闢一幅大禿頭, 再加一大灘血紅色落去架!
仲話要搞"綠色奧運"! 保護環境做唔到不特止, 仲主動砍伐林木, 破壞自然景觀. 真係唔知佢"綠色"咗去邊?!

為咗寫呢篇Blog, download咗張相落嚟. 望多兩眼之後, 越睇越覺佢似座山墳...
新曆8月即係農曆7月, 整座咁大嘅山墳嚟慶祝...啋!

一隻雀雀, 有兩個腳腳

2008-07-01T00:07:00.001+08:00

This is a magic!

2008-06-15T17:23:00.002+08:00

Magic in kitchen!

落大雨

2008-06-03T21:52:00.003+08:00

上年雨季時有人曾經將"巴士上層有浪"嘅短片send去電視台播.
當時佢地話係因為大雨, d人拎上車嘅傘滴出嚟嘅水做成嘅.

今日, 黃色暴雨警告之下, 我搵到反證.
單憑傘滴出嚟嘅水, 係做唔到浪嘅.
最起碼要咁樣嘅儲水速度先得！
如果今日架車本身係冇去水位的話, 我相信, 唔只有浪, 海嘯都可以有...

睇片...

好低B嘅一件事, 但係當我諗到時, 覺得自己好叻!

2008-05-23T22:11:00.004+08:00

點解"手足口病"要叫"手足口病"?
點解"手足口病"唔係叫"口手足病"(由上至下數)?
又唔係叫"足手口病"(由下至上數)?

有一晚睇新聞，報導EV71腸病毒導致幼兒患上"手足口病"嘅情況。
當時有提到一件事，
就係會患上"手足口病"嘅，絕大部分都係幼兒。

於是，
突然間，明白咗點解"手足口病"要叫"手足口病"?

因為，
只有幼兒先會做，亦都只有幼兒先做得到呢個動作。
一個人大咗就算仍然做得到呢個動作都唔會再做。

要唔要試吓...

呢個動作，

... ... ...

... ... ...

用隻手拎起隻腳再放入口，仲要"食"得津津有味！

嚟啦，試吓啦~~ 哼哼~~

是貓? 還有狗?

2008-05-14T21:31:00.003+08:00

星期日, 原本約咗班朋友去天水圍綠田園玩.

但係, 因為天雨關係-->取消.

不過, 我同亞爸亞媽晨咁早已經入咗天水圍, 所以決定都四維逛吓.

喺西鐵站見到有個古塔, 於是落去影相.

原來座塔叫"聚星樓", 係"屏山文物徑"嘅其中一站.

"屏山文物徑"之旅, 就此展開.

(相會POST上"大暴走傻瓜機的大暴走網上照片簿")

去到"洪聖廟"對開嘅"坑尾村公園", 水池上面放咗舊石.

喺一邊睇, 似貓.

另一邊睇, 似狗.

哈哈! 唔知係天然嘅, 定人工嘅呢?

好無聊嘅中學生

2008-05-13T21:50:00.002+08:00

今日放工, 搭緊巴士返屋企時, 聽到一段對話,

女生1: 喂? 小姐, 想阻你少少時間(停頓半秒)"CUP"我線喎佢. 唔通佢知我地玩佢?
女生2: 係你把聲扮得假咋"下話"? (笑)

之後佢兩個又打咗幾個電話, 又玩又笑.

其實唔知佢地第一個電話係唔係真係求其打個, 女人接就: "喂?小姐..." 男人接就: "喂? 先生..." 真係諗住玩人.

如果真係的話, 佢地就無聊到我會"鄧"佢地亞媽"心UP". 辛辛苦苦養到佢地大, 重要唔知喺幕後做咗幾多工夫, 送佢地入名校(白色裙, 領口有4粒紅色膠鈕嗰間, 我嘅讀書時代, 佢係名校, 依家就唔知...)

得閒無事, 其實有大把野可以做, 無聊+缺德到扮電話訪問打騷擾電話...

望住佢地(唔只呢2個女生, 係重有其他同佢地差不多嘅後生細), 有時會諗, 到我變成老人家時, 個世界會變成點呢?

我地身處嘅呢個國際大都會又會唔會"萎縮症", 無藥可救呢?

其實, 係唔係只係我太悲觀呢?

竟有如此不可思議的人

2008-05-09T00:04:00.002+08:00

今晚放學返屋企時搭巴士.
坐喺上層, 車門嗰邊嘅"窗口位".

坐"窗口位"嘅"指定動作", 就係--望街.

架巴士行吓行吓, 去到一個燈位, 要停綠公仔, 俾人過.
因為下個站重有好遠先到, 所以架巴士係喺"中線". 近行人路嘅"慢線"就冇車.

話明係"停綠公仔, 俾人過", 有人喺巴士前面過係好正常嘅事.
但係有3個女人唔知點解行到去"慢線"位置時就唔再行.
佢地擰轉身, 又指手劃腳, 又揮手. 都唔知佢地攪乜.
要叫個行得慢D嘅朋友行快D都可以喺行人路上面叫, 唔駛企喺馬路中心丫.

睇住佢地攪咗一排, 終於發現,

原來,

佢地係叫緊個

巴士司機

開門俾佢地上車!!!

咩人嚟架?!
就算搭的士都唔可以喺馬路心上落車啦!
何況係巴士?

個司機如果真係咁神智不清, 開門俾佢幾個上車, 唔只會俾人COMPLAIN, 隨時重會連飯碗都打爛埋...

唔知點解, 硬係覺得呢3個女人會四維同佢D親戚朋友, 三姑六婆講: 嗰個巴士佬幾衰呀! 架車明明係停喺度家嘛, 我地叫極佢都唔開門俾我地上喎! 衰得佢丫!

奇異的味覺之旅

2008-05-06T20:59:00.002+08:00

每次光顧從未去過的食店時, 我都會點那店舖的"招牌菜".
一來是因為不用煩惱去選, 二來是, 如果連"招牌菜"都不好吃的話, 其他菜色也就更加不敢想像了.

今天午飯時去了一家自稱是"撈麵大王"的快餐店.
店裡店外貼得滿滿的, 都是各式各樣的"撈麵"介紹.
於是點了個"豬排撈麵(幼麵)".

等了十多分鐘, 麵來了.
一眼看見每條麵條都沾滿深啡色的醬油, 份量就像將整個麵放進醬油裡浸泡過之後才上碟的一樣多.
醬油麵上面放著一塊已切成幾件的豬排和一些烚椰菜.

加了2, 3湯匙"撈麵"用的湯之後, 拌勻, 開餐了.

麵一進口, 第一個感覺是: "暖暖地, 唔夠熱..."
連"貓舌頭"的我都覺不夠熱的話, 對很多人來說已經是: 冷掉了...

而後是: 好咸...咸到"嗱"脷...
正如外觀就像浸過醬油一般, 麵條的味道也像醬油一樣咸...

值得慶幸的是豬排和烚菜都沒什麼味道, 於是吃一口醬油麵, 用一口豬排或烚菜送下去. 再加一罐可樂, 好好醜醜也算是吃完一餐.

最奇異的地方是, 這樣的一家店, 不是特別便宜, 竟也其門如市, 客如輪轉!

奇哉! 奇哉!

4月20日 NLC聚餐

2008-04-27T20:05:00.001+08:00

和一班舊同事聚一聚, 吃喝一餐!

http://picasaweb.google.com/hay.wada/420NLC

Manner

2008-04-23T12:20:00.003+08:00

老實講, 我唔係一個好有manner嘅人.
Mansai更話我可以將"東莞婆"嘅特質(大聲講野)發揮得淋漓盡致.
試問一個"哎"一聲可以24層樓都聽得到, 科學館"分頁機測試"大聲過民航機升降嘅人, 點會唔能夠發揮呢個"東莞婆特質"!
不過我出到街上面時都盡可能細聲d, 希望唔好影響到其他人.

但係有時就算個人冇講過一句野, 都可以係好冇manner.

朝早我通常喺快餐店食早餐.
因為朝早人多, 通常一張4人枱都係會有"搭枱"嘅情況出現.
而又因為"搭枱"係普遍+正常嘅現象, d人好多時只要睇到個位"應該係冇人坐緊"就會坐落去, 就算冇問聲"有冇人坐架?" 亦都唔會有人覺得佢地冇manner.

今朝一個過嚟"搭枱"嘅男人, "嘭"一聲將佢份餐放喺我食緊野張枱.
我當然係抬高頭望吓究竟咩事.
"搭枱人"完全冇異樣. 反而一個坐喺4, 5尺外嘅男人望過嚟(你可以話佢八, 但係亦都可想而知, 嗰聲"嘭"係有幾大聲...)

當"冇事發生過", 大家繼續食早餐時, "呯呤嘭囒"就不斷接踵而來.
"搭枱人"嘅每一個動作, 由放低刀叉, 水杯, 到將食物放入口, 到"趙"野食都會產生唔同程度嘅噪音...

...咁樣嘅"manner", 真係失禮街坊...

MBA

2008-04-18T01:12:00.003+08:00

簡寫這東西其實是很好玩的.
雖然有時會做成混亂(因為每一個簡寫都可以有多過一個的解釋), 但有些時候的確是讓"懂的人"會心微笑.
就如"MBA", 大多數人都會想起"企業管理碩士"
但"桃哈多"就將"MBA"變成了"只愛豆"的簡寫.
中文的"只愛豆"在日文裡是"まめ　ばかり　あいしてる(Mame Bakari Aishiteru)"
老實說, 看到這個"MBA"的全寫時, 覺得創作人實在是了得!

希Blog

Link to NEW Blog

又死一個

祟日+唔用腦...

想唔諗, 但又做唔到...

謎

Hi-Chew

土砂降り

又一個"愛靚唔愛命"的選擇 -- "浣腸水療"

赤壁2的主題曲, 中文版與日文版

稍微新聞報告一下

不思議事件

"貓人"

噓 BY シド

彌敦道塌廣告牌

巴士亞姐X2

夢

李超人話佢喺54個國家有生意

被大霧吃掉了...

09花展小插曲

請先撫心自問

2009又花展

麻生連連出醜帶挈 日本漢字語文書熱賣

究竟我係咪冇要求?

噴煙中的朗豪

もずく

請記緊: 知足者, 常樂也.

這個身體習慣了

置身十里迷霧中

一個人食lunch，好無聊，於是...

德梵風波

唔知由幾時開始，要靚，首先要變"植物人"

新聞娛樂化

夢 買賣

第三番目の猫

初一十五 天狗食日又食月

一直都唔肯去相信

今天，"笑到噴飯"的表演

原以為自己已經夠不知世事

上帝啊！會寬恕他們嗎？

可能因為唔係"清湯腩"

助人為快樂之本

探偵ガリレオー容疑者ｘの献身

應該說是"口味不同"還是該說"我不是正常人"呢?

在上環的西洋人

イキガミ

War Game

Kissして

幾好聽

不吃之人

越來越失望

就是高興不起來

話說, 消費券

ふうと然天

世界好像變大了, 其實正在越縮越小

女人不應該太瘦

B for...

簡體字? 還是別字?

源

充滿娛樂性

這樣竟然也是自然保護區管理局長

就是覺得很可悲

絲蘿非獨生, 願托喬木

再到東歐餐廳

Thank you BIG BEAR!

隔岸觀火

你可以說我"事後孔明", "馬後砲". 但這樣的話, 你也承認我是個專家及政治家

其實, 我覺得自己唔係好蠢. 但係, 我有好多野唔明 - (三)

其實, 我覺得自己唔係好蠢. 但係, 我有好多野唔明 - (二)

Concierge (コンシェルジュ)

終於買喇!

其實, 我覺得自己唔係好蠢. 但係, 我有好多野唔明 - (一)

getting hands dirty

身價幾百萬的!

老爸近期最威水!

改變了的選舉口號

政府不想民望插水, 就要立即回水

それでも、ボクはやってない(儘管如此, 我沒做過)

可愛的鄰居

到底滑稽是什麼?

噓　BY　シド

麻生連連出醜帶挈日本漢字語文書熱賣

夢買賣

初一十五　天狗食日又食月