Mansai曾經話我似"吸血鬼", 因為我:
1, 晝伏夜出...
2, 鍾意食有血味嘅肉...
3, 鍾意飲紅色嘅飲品(其中包括極似血漿嘅某牌子雜苺汁)...
但係我從來未試過發夢自己"變成"吸血鬼.
呢個只係記得好少嘅夢裡面, 我都唔知自己算唔算係吸血鬼, 但係都...
喺一座深灰色大石砌成嘅建築物門口嘅幾級樓梯上面, 我同一個好高, 留長頭髮嘅男人傾緊偈.
突然間我將左手伸向後面, 抓住一D野然後一扯, 手裡面"舊野"就順勢飛咗出去.
一個拖住血絲嘅人頭, 喺淺灰藍色嘅天空下面飛過.
而我只係甩一甩手, 將好長嘅指甲縮返去"正常"長度, 同長頭髮男人講: 走喇.
好似好恐怖嘅夢, 但係最恐怖嘅, 可能係醒嘅時候諗住: 個夢咁就完嗱? 嘅我...
