原來真有其事

冇工返嗰段時間, 成日跟亞媽去同班街坊亞姨飲茶(順便當食晏).

有一日有個亞姨講起佢個女成日著D衫V領開得好低, 好易走光, 話反屋企要鬧吓佢.
於是一班亞媽就你一句我一句, 開始講依家流行嘅服裝款式.

"我以前做野嗰度有D女人著D褲低到連'屎坑'都睇埋!" 亞媽咁講.
然後有個亞姨答:" '屎坑"之嘛! 低到連毛都露埋嗰D我都見過呀!"

當時我以為只係嗰個亞姨比較誇張, 點知...

今日放工搭地鐵, 入到車廂, 人多, 唔好對人"眼啤啤", 所以就DUP低頭.
咁啱得咁橋望到企對面嗰個女士露咗喺衫腳同褲頭之間嗰截肚皮, 然後望到褲頭之上有D野露咗出嚟...

啋!
原來嗰個亞姨講嘅係真有其事嘅...