星期六

返到公司, 望見平時都燈光火著嘅附近單位, 今日都烏燈黑火, 突然覺得好唏噓.

其實, 我一直都唔明點解d公司要人星期六返半晝. 因為實在係無生產力嘅幾個鐘. d人返到公司, 玩嘅玩, "hea"嘅"hea", 發吽哣嘅繼續發吽哣. 根本無幾多野做到出嚟, 但係消耗就好多: 水(蒸餾水, 如果有私家廁所就仲有洗手嘅"食水"),電,煤, 附加職員因為要晨早起身返半日工而出現無法消除嘅"怨氣".

如果星期六唔開工, 除咗可以慳咁d錢之外, 仲可以mark大喉嚨話係益咗d職員. 因為返少咗半日等如每個返工日嘅人工都多咗, 即係"變相加人工". d職員自然一至五開ot都開得順氣d.

老闆無實際損失, d職員又開開心心, 真係何樂而不為!

...好想返5 day work....