今晚同一班舊同事一齊去咗其中一個人嘅屋企BBQ.
一班傻吓傻吓, 癲癲得得嘅人聚埋一齊, 自然就係乜都玩得一餐, 仲要隨時笑料百出.
當食糖水嘅時候, 屋主--酸乳酪就講
酸: 亞希呀, 你教我點煲丫. 下次我煲時, 你嚟監督住我丫.
希: 吓? 不如你嚟我屋企, 我教你煲啦.
酸: 你屋企咁遠, 坐車都坐到我暈船浪呀.
因為佢講得實在太順口, 實在太理所當然到我要幾秒鐘之後先發現, 佢坐車, 原來係可以坐到暈"船"浪嘅! 當堂笑到企唔穩...
繼續玩, 繼續食. 食到個胃脹卜卜, 大笑嘅時候特別辛苦. 喺呢個又辛苦但係又要笑嘅時間, 酸乳酪又整咗句
酸: 笑到我D胸肌好肚痛.
原本已經開始收歛嘅笑聲又再爆發!
我笑到連背肌都痛埋...好辛苦... ***^@^***
沒有留言:
發佈留言