德梵風波

近幾日留意到一單國際新聞，話教宗本篤十六世允許幾個否定有納粹大屠殺存在嘅主教回歸教庭復職。
德國總理就帶頭評撃教宗嘅決定。話咁樣係對唔住德國嘅基督徒，天主教徒同所有猶太人。
呢件事令德梵之間幾乎出現國際糾紛。

喺我呢個聽"南京大屠殺"多過"納粹大屠殺"，又唔係好知其他國家國情嘅人嚟講，覺得有D奇怪。
因為就"南京大屠殺"嚟講，到依家仍然：
有一D日本人(加害者)：冇咁嘅事！
中國人(被害者)：不可以忘記歷史。
其他國家嘅人(外人)：... ...

但係今次問題主教事件，各方對"納粹大屠殺"嘅態度係：
德國人(加害者)：唔可以否認納粹黨曾經屠殺猶太人！
猶太人(被害者)：... ...
英國人主教(外人)：冇死咁多人！

德國人承認責任，將歷史引以為鑑，呢一點好易明亦好合理。
猶太人可能都怒不可遏，只係新聞冇乜點講，所以變成：... ...
但係"講錯說話"又唔"收返"嘅主教又係為乜呢？諗唔明。

突然間又好陰謀論咁諗：曾經有人喺前任教宗若望保祿二世死時"預言"過，接任嘅教宗會係撒旦嘅使者。唔通因為咁，所以佢要將問題主教納入旗下，方便第時行事有多D人手？

**原來在德國，否定納粹大屠殺存在是可以判刑處罰的罪行。