尋日喺街上面有人派新出品咖啡嘅"試用裝".
當然去攞一包試吓.
由張廣告卡上面"滅"咗包3合1落嚟, 諗住睇吓有冇寫d咖啡係由邊度出產之類嘅資料.
點知一睇, 發現呢包原來唔係普通嘅3合1, 而係一包擁有高新科技嘅3合1!
喺一個無論"睇落去"定"摸落去"都只係普通質地嘅"飲品沖劑"鍚袋上面, 竟然有一個"甜度調整鈕"!!
拎住包粉搖咗幾吓, 感覺同普通嘅都冇乜分別. "禁"住粒"甜度調整鈕"又感覺唔到有d乜野喺裡面...
究竟呢粒"甜度調整鈕"係咪真係可以"調整甜度"就仲未知, 因為我規定自己每日只可以飲一杯咖啡, 所以仲未開嚟試.
但係呢d咁嘅"高新科技", 真係好不可思議!
沒有留言:
發佈留言