尋日放工, 坐巴士返屋企.
出隧道之後望見個天開始出現"夕焼け (yuuyake, 火燒雲)".
天: 灰藍色
雲: 橙黃色
就快上橋時
天: 淺藍紫色
雲: 桃紅色
好想飛落車影相(放工時間我上車嗰個站係冇可能坐到窗口位, 攞相機出嚟影相唔俾人罵都嚇死人, 我試過喇, 嗰日我仲要係坐緊窗口位, 影街, 坐我隔鄰個女人好似見鬼咁嘅眼神望住我. 不過嗰時係夜晚, 佢可能真係...). 因為已經過咗上橋之前個站, 所以只可以過完橋先落車.
跑返到見到天嘅地方時
天: 灰橙色
雲: 灰色
好失望...
垂頭喪氣咁行埋返屋企嗰十幾分鐘路程. 影咗呢張.
同眼見到嘅顏色唔同.
因為我用傻瓜機...
沒有留言:
發佈留言