早幾日去咗"很出名的清湯牛腩麵"附近，亞SOO推介茶餐廳食牛腩麵。
雖則已經由網上食評知道呢間舖嘅服務係好差，但真係冇諗過連餐牌都要自己去攞...
原本諗住食蘿蔔牛腩，但原來得一大煲果隻...小女子縱然大食(有時啦)，一大煲牛腩當lunch實在只係會浪費，所以叫咗都係牛腩嘅"柱候牛筋腩米粉"。
$18一碗，份量多過廿幾蚊嘅"很出名的清湯牛腩麵"好多。但係D牛腩好硬，o趙好耐都未o趙到可以吞嘅程度+___+ (係有2件好肥，肥膏占咗80%嘅叫得做"林")
成碗米粉都唔可以用"好味"嚟形容。唔知係咪因為我食嘅唔係"清湯腩"而係"柱候牛筋腩"？
食後感：都係咳嗽同舌頭麻痺，但係冇"很出名的清湯牛腩麵"果碗咁嚴重。所以我決定，以後都係返去"喜歡的牛腩麵店"食牛腩。 :9~~~
沒有留言:
發佈留言