我唔明,
點解有D人可以將應該閂埋睡房門先做嘅野, 擺出嚟喺公眾場所做.
早兩日去一間時時會去嘅麵店食晏. 因為唔貴又好味, LUNCH時間會迫滿人.
一坐低, 視線正前方有一對男女坐咗喺對街窗嘅"卡位". 我望到嘅係佢地嘅側面, 女嘅近我果邊.
坐定, 望到個男嘅隻右手放咗喺個女嘅右邊"格拉底"再落少少, 搓吓搓吓... O_O
個男嘅可能見到我俾佢嘅行為嚇到眼都凸埋, 所以將隻手放咗去"櫈PAN". 不過冇幾耐, 又搓吓搓吓...
幾年前, 有一次去行一個"細舖仔商場". 前面有對40零歲嘅男女.
一路行, 個男人隻手就一直都喺個女人條褲嘅入面(唔係後褲袋嘅入面, 佢隻手係由褲頭插入去, 仲連個女人件衫都整起埋), 郁來郁去...
究竟係我守舊? 定係佢地有"表演慾"? 還是佢地真係咁"情難禁"?
沒有留言:
發佈留言