失聲喉糖

早兩日有位同學突然失咗聲，最初以為佢冷病咗，點知原來係因為食咗粒假貨「金嗓子」。於是我就將真假金嗓子影低，諗住貓俾大家，要留意假貨…(懷疑假貨係左手邊紙盒嘅「新金嗓子喉寶」)



返到屋企，見個盒背牛咁大隻字印咗公司名喺度，手多上網找吓。結果如：

留意！上面「工商注冊信息」果欄係寫：未經第三方認證

CLICK呢個公司網站，會去咗下面呢個網頁…

再繼續八掛，再搵多一D

好不可思議嘅「法人代表/負責人：經理」

另一個。既然無進出口權，我同學點解會喺香港買到？？同埋佢冇生產「新金嗓子喉寶」

最後，搵到「新金嗓子喉寶」。但係生產公司係「新鄉市大豫生物科技有限公司」唔係「香港大豫生物科技集團有限公司」。但係睇吓佢「藥品類別」果欄，真係勁到嚇死人冇藥醫…延緩衰老、抑制腫瘤、促進排鉛、抗幅射...差在冇寫埋醫到AIDS同伊波拉。

同學買咗嘅「失聲喉糖」可能唔係「金嗓子喉片」嘅假貨，而係「新金嗓子喉寶」嘅假貨。
單憑「新鄉市大豫生物科技有限公司」網頁上面果張變晒形嘅「新金嗓子喉寶」嘅相睇唔出D咩確實嘅不同，唯一就係「新鄉市大豫生物科技有限公司」嘅盒嘅正面有一行黑色字，勉強睇到寫住「50克」，而同學買到果盒就冇。

以現時「中國製造」的問題嚟講，要買野，都係去相熟嘅舖頭，買熟悉嘅牌子好喇…